نئی دہلی: بھارتی کرکٹ کنٹرول بورڈ (بی سی سی آئی) نے افغانستان کے خلاف 3 میچوں کی ٹی20 سیریز کے لیے منگل کو 15 رکنی ٹیم کا اعلان کر دیا۔ شریس ایئر ٹیم کی قیادت کریں گے، جبکہ تلک ورما کو نائب کپتان کی ذمہ داری سونپی گئی ہے۔ 15 سالہ ویبھَو سوریہ ونشی ایک بار پھر بھارتی ٹی20 ٹیم کا حصہ ہیں، جنہوں نے گزشتہ موقع کا بھرپور فائدہ اٹھایا تھا۔
بمراہ اور ہرشت رانا کو بھی ٹیم میں جگہ
اس ٹیم میں نتیش کمار ریڈی، واشنگٹن سندر، جسپریت بمراہ اور ہرشت رانا کو فٹنس کی بنیاد پر شامل کیا گیا ہے، لیکن مڈل آرڈر کے جارحانہ بلے باز رنکو سنگھ کو موقع نہیں ملا۔ ٹیم میں ابھیشیک شرما، ویبھَو سوریہ ونشی، شیوم دوبے، ارشدیپ سنگھ اور ورون چکرورتی جیسے مستقل کھلاڑی شامل ہیں۔ ہرشت رانا کی بھی ٹیم میں واپسی ہوئی ہے، جبکہ جولائی میں زمبابوے میں کھیلنے والی ٹیم میں کچھ تبدیلیاں کی گئی ہیں۔ زمبابوے ٹی20 سیریز میں منتخب نہ کیے جانے کے بعد سنجو سیمسن کی بھی واپسی ہوئی ہے۔
تیز گیند بازی میں بھی تبدیلیاں
مستقل تیز گیند بازوں کی واپسی سے بولنگ شعبے میں بھی تبدیلیاں ہوئی ہیں۔ ارشدیپ کے ساتھ بمراہ اور ہرشت کو شامل کیا گیا ہے۔ پرنس یادو، یش ٹھاکر، اشوک شرما اور مینک یادو، جو سبھی زمبابوے کے دورے پر گئی ٹیم کا حصہ تھے، اس بار ٹیم میں جگہ نہیں بنا سکے۔ ہاردک پانڈیا کو بھی ٹیم میں شامل نہیں کیا گیا ہے۔
13 ستمبر سے سیریز کا آغاز
بھارت اور افغانستان کے درمیان 13 ستمبر کو ون ڈے سیریز کا پہلا میچ کھیلا جائے گا، جس کے بعد 15 ستمبر کو دوسرا مقابلہ ہوگا۔ سیریز کا تیسرا اور آخری میچ 17 ستمبر کو کھیلا جانا ہے۔ تینوں مقابلے دہلی کے ارون جیٹلی اسٹیڈیم میں ہوں گے۔
دلیپ ٹرافی میں ویبھَو کا شاندار مظاہرہ
ویبھَو سوریہ ونشی نے حال ہی میں دلیپ ٹرافی 2026 میں شاندار کارکردگی کا مظاہرہ کیا ہے۔ انہوں نے سیمی فائنل مقابلے میں ایسٹ زون کی جانب سے کھیلتے ہوئے سینٹرل زون کے خلاف 92 اور 40 رنز کی اننگز کھیلی تھیں۔ ویبھَو نے انگلینڈ کے دورے پر سینئر ٹیم کے لیے اپنا بین الاقوامی ڈیبیو کیا تھا۔ تاہم انگلینڈ کے خلاف 3 مقابلوں میں وہ صرف 14، 13 اور 15 رنز بنا سکے۔ اس کے بعد زمبابوے کے دورے پر انہوں نے 50، 20 اور 81 رنز کی اننگز کھیل کر ’پلیئر آف دی سیریز‘ کا خطاب حاصل کیا۔
افغانستان کے خلاف بھارت کی ٹیم
شریئس ایئر (کپتان)، ابھیشیک شرما، ویبھَو سوریہ ونشی، سنجو سیمسن (وکٹ کیپر)، ایشان کشن (وکٹ کیپر)، تلک ورما (نائب کپتان)، شیوم دوبے، نتیش کمار ریڈی، اکشر پٹیل، واشنگٹن سندر، ورون چکرورتی، روی بشنوئی، جسپریت بمراہ، ارشدیپ سنگھ، ہرشت رانا۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
