کیبنٹ کمیٹی برائے سیکورٹی نے ہندوستانی بحریہ کے لیے فرانس سے 26 رافیل میرین لڑاکا طیاروں کی خریداری کے میگا ڈیل کو منظوری دے دی ہے۔ یہ سودا تقریباً 63,000 کروڑ روپے کا ہے۔ اس معاہدے کو جلد حتمی شکل دے دی جائے گی اور اس پر دستخط کیے جائیں گے۔اس معاہدے کے تحت بحریہ کو 22 سنگل سیٹر اور 4 ٹوئن سیٹر رافیل سمندری طیارے ملیں گے، جنہیں طیارہ بردار بحری جہاز آئی این ایس وکرانت پر تعینات کیا جائے گا۔ اس فیصلے کے بعد اب وزارت دفاع فرانسیسی حکومت کے ساتھ معاہدے کا عمل مکمل کرے گی۔
کل ہوائی جہاز26 ہوگی اور ان میں 22 سنگل سیٹر اور 4 ٹوئن سیٹر جہاز ہوگی۔جن کی کل لاگت 63,000 کروڑ روپے سے زیادہ ہے۔اس کے علاوہ اس میں جیٹ طیاروں کی دیکھ بھال، لاجسٹک سپورٹ، بحریہ کے اہلکاروں کی تربیت اور بھارت میں تیار کیے جانے والے کچھ پرزوں کے لیے خصوصی منصوبہ بھی شامل ہے۔ اس معاہدے کے تحت ہندوستانی بحریہ کے اہلکاروں کو رافیل ایم کو اڑانے اور ہینڈل کرنے کی تربیت بھی دی جائے گی۔
رافیل ایم جیٹ طیاروں کی پہلی ترسیل 2029 کے آخر تک شروع ہو سکتی ہے۔ تمام 26 جیٹ طیارے 2031 تک ہندوستانی بحریہ کو فراہم کر دیے جائیں گے۔ یہ لڑاکا طیارے آئی این ایس وکرمادتیہ اور آئی این ایس وکرانت جیسے ہندوستانی طیارہ بردار جہازوں پر تعینات کیے جائیں گے۔ یہ پرانے MiG-29K لڑاکا طیاروں کی جگہ لیں گے، جو اب استعمال سے باہر ہو چکے ہیں۔رافیل ایم جیٹ طیاروں کو خاص طور پر طیارہ بردار جہازوں سے ٹیک آف اور لینڈ کرنے کے لیے ڈیزائن کیا گیا ہے۔ اس میں مضبوط لینڈنگ گیئر، آریسٹر ہکس اور STOBAR ٹیکنالوجی شامل ہے (جو ہوائی جہاز کو کم فاصلے سے اڑنے اور تیزی سے لینڈ کرنے میں مدد دیتی ہے)۔ اس معاہدے سے ہندوستانی بحریہ کی طاقت میں بہت اضافہ ہوگا۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
