راجہ اقبال سنگھ دہلی کے نئے میئر منتخب ہوئے ہیں۔
Delhi MCD Mayor Election Result 2025: دہلی ایم سی ڈی کے میئرالیکشن میں بی جے پی کو جیت ملی ہے۔ پارٹی کے اقبال راجا سنگھ دہلی کے میئربن گئے ہیں۔ جمعہ کے روز ہوئی ووٹنگ میں کل 142 ووٹ پڑے۔ اس میں بی جے پی کے اقبال سنگھ کو 133 ووٹ ملے جبکہ کانگریس کے امیدوارمندیپ کومحض 8 ووٹ ملے۔ 8 ووٹ ہونے کے باوجود کانگریس نے اپنا امیدوار اتارا تھا جبکہ عام آدمی پارٹی نے اس الیکشن میں امیدوارنہیں اتارنے کا فیصلہ کیا تھا۔ وہیں ڈپٹی میئرعہدے پر بھی بی جے پی نے جیت حاصل کی ہے۔ بی جے پی کے جے بھگوان یادو ڈپٹی میئر بن گئے ہیں۔ انہوں نے کانگریس کی اریبہ خان کو ہرایا ہے۔
قابل ذکرہے کہ دہلی اسمبلی الیکشن 2025 میں عام آدمی پارٹی شکست کا سامنا کرنا پڑا تھا اور بی جے پی نے 27 سالوں بعد دہلی کے اقتدار پر واپسی کی ہے۔ ریکھا گپتا کو وزیراعلیٰ بنایا گیا ہے اور اب دہلی میونسپل کارپوریشن میں بھی بی جے پی کا میئراور ڈپٹی میئر بن گیا ہے۔
بغیرکسی بھید بھاؤ کے لئے جائیں گے فیصلے: میئر
ایم سی ڈی میئرالیکشن جیتنے کے بعد بی جے پی لیڈر راجا اقبال سنگھ نے کہا، “میں وزیراعظم نریندر مودی، بی جے پی کے قومی صدر جے پی نڈا، مرکزی وزیر داخلہ امت شاہ، دہلی بی جے پی کے صدر ویریندرسچدیوا اور پارٹی کے دیگرلیڈران کا شکریہ ادا کرنا چاہتا ہوں۔” انہوں نے مزید کہا، “میں آپ کو یقین دلاتا ہوں کہ میں برسراقتدار، اپوزیشن اورکانگریس کے ساتھ مل کرکام کروں گا۔ دہلی کی ترقی کے لئے بغیرکسی بھید بھاؤ کے فیصلے لئے جائیں گے۔”
VIDEO | Delhi: After winning MCD mayoral polls, BJP leader Raja Iqbal Singh says, “I would like to thank Prime Minister Modi, BJP national president JP Nadda, Union Home Minister Amit Shah, Delhi BJP chief Virendra Sachdeva, and other party leaders. I assure you that I will work… pic.twitter.com/1QNoFepSl7
— Press Trust of India (@PTI_News) April 25, 2025
کون ہیں دہلی کے نئے میئر راجا اقبال سنگھ؟
راجا اقبال سنگھ ایم سی ڈی میں اپوزیشن لیڈرتھے۔ وہ شمال ایم سی ڈی کے سابق میئر رہ چکے ہیں۔ وہ سول لائن زون میں وارڈ کمیٹی کے سابق میئر اور مکھرجی نگروارڈ 13 کے سابق کونسلر بھی ہیں۔ بی جے پی میں ان کا قد تیزی سے بڑھا ہے۔ راجا اقبال سنگھ اکالی دل سے جڑے خاندان سے تعلق رکھتے ہیں۔ ان کے سسرجی ٹی بی نگر کے کونسلر تھے اوران کے بھائی ابھی بھی اکالی دل کی سیاست میں سرگرم طور پر شامل ہیں۔ راجا اقبال سنگھ 2020 تک سول لائن زون میں اکالی دل کی طرف سے میئرتھے۔ اس سال جب پارٹی این ڈی اے سے باہر ہوگئی تو قیادت نے ان سے اپنے عہدے سے استعفیٰ دینے کے لئے کہا، لیکن انہوں نے استعفیٰ نہیں دیا۔ بعد میں 2021 میں بی جے پی نے انہیں شمال ایم سی ڈی کا میئر بنا دیا۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
