بہار اسمبلی الیکشن کے لئے کھڑگے اور راہل گاندھی کے ساتھ تیجسوی یادو کی اہم میٹنگ، وزیراعلیٰ امیدوار پرآرجے ڈی کا بڑا بیان

نئی دہلی: بہار اسمبلی الیکشن کے سبب راشٹریہ جنتا دل (آرجے ڈی) کی قیادت والے عظیم اتحاد کے ساتھ کانگریس اسمبلی الیکشن لڑنے کے لئے تیار ہے، لیکن سیٹ شیئرنگ اور وزیراعلیٰ چہرے سے متعلق اتحاد میں کشمکش کی صورتحال بنی ہوئی ہے۔ اسی درمیان راہل گاندھی اور تیجسوی یادو کی آج یعنی 15 اپریل کو میٹنگ  ہوئی، جو وزیراعلیٰ کے امیدوار سے متعلق کافی اہم مانا جا رہا تھا۔ اس میٹنگ کے بعد تیجسوی یادو نے کہا کہ ہم لوگ آپس میں بیٹھ کرطے کرلیں گے۔

تیجسوی یادو کی راہل گاندھی اور پارٹی صدر ملیکا ارجن کھڑگے کے ساتھ دہلی میں ہوئی میٹنگ کے بعد ان سے وزیراعلیٰ امیدوار سے متعلق سوال پوچھا گیا تواس پر تیجسوی یادو نے کہا کہ آپ لوگ فکرمت کیجئے۔ ہم لوگ آپس میں بیٹھ کر یہ طے کرلیں گے۔

تیجسوی یادو نے کیا کہا؟

تیجسوی یادو نے جہاں اس بات کی جانکاری نہیں دی کہ دونوں پارٹیوں کے سینئر لیڈران کے درمیان میٹنگ میں  تیجسوی یادو کو وزیراعلیٰ عہدے کا امیدوار طے کیا گیا یا نہیں۔ وہیں انہوں نے اس بات کو باربار کہا کہ ہم لوگوں کی پوری تیاری ہے۔ ہم سب مل کربہار کو آگے لے کر جائیں گے۔ بہارکے ساتھ سوتیلا برتاؤ کیا گیا۔ ہم لوگ مدعوں کی بنیاد پر الیکشن لڑنا چاہتے ہیں۔ انہوں نے وزیراعلیٰ نتیش کمار پر تنقید کرتے ہوئے کہا کہ نتیش کمار ہائی جیک ہوچکے ہیں۔ این ڈی اے کی حکومت بہارمیں نہیں بننے والی ہے۔

#WATCH | Delhi: RJD leader Tejashwi Yadav says, “We had a meeting and had positive discussions. We will meet again on 17 April in Patna… We are fully prepared and we want to take Bihar forward… Even after 20 years of NDA government in the state, Bihar is the poorest state…… https://t.co/CN75omPq0f pic.twitter.com/KjG9JhqMex

— ANI (@ANI) April 15, 2025

تیجسوی یادو نے میٹنگ کو مثبت قرار دیا

تیجسوی یادونے میٹنگ سے متعلق کہا کہ کافی مثبت میٹنگ ہوئی۔ اسی کے بعد اب عظیم اتحاد کی میٹنگ 17 اپریل کو پٹنہ میں ہوگی۔ انہوں نے مجوزہ میٹنگ سے متعلق کہا کہ پٹنہ میں بھی ہم بیٹھیں گے۔ مضبوطی کے ساتھ بہار کو آگے لے جانے کا عزم ہے۔ بہارکے ساتھ سوتیلا برتاؤ ہو رہا ہے۔ سب سے زیادہ نقل مکانی بہار سے ہو رہا ہے۔ ساتھ ہی تیجسوی یادو نے کہا کہ آئندہ میٹنگ 17 اپریل کو پٹنہ میں ہوگی۔ آگے کی حکمت عملی وہاں طے ہوگی۔

#WATCH | Delhi: RJD leaders Tejashwi Yadav and Manoj Jha meet Lok Sabha LoP Rahul Gandhi and Congress President Mallikarjun Kharge, as they arrive at the latter’s residence for a meeting ahead of the Bihar assembly elections.

Video source: AICC pic.twitter.com/GPx1nBHfBw

— ANI (@ANI) April 15, 2025

ذرائع کے مطابق، 17 اپریل کو ہونے والی میٹنگ میں سبھی عظیم اتحاد کی ایک کوآرڈی نیشن کمیٹی بنائی جائے گی۔ پشوپتی پارس کیا عظیم اتحاد میں شامل ہوں گے۔ اس سے متعلق بھی متبادل کھلے رکھے گئے ہیں۔ اس سے متعلق ذرائع کا کہنا ہے کہ سبھی متبادل کھلے ہوئے ہیں۔ عظیم اتحاد میں سبھی مل جل کرفیصلہ کریں گے۔