آندھرا پردیش کے سابق وزیر اعلی وائی ایس جگن موہن ریڈی کی پارٹی کے زیر تعمیر دفتر پر چلایا گیا بلڈوزر
YSRCP’s under-construction central office: آندھرا پردیش میں اقتدار سے محرومی کے بعد سابق چیف منسٹر وائی ایس جگن موہن ریڈی کو جھٹکے کے بعد جھٹکوں کا سامنا کرنا پڑ رہا ہے۔ راجدھانی امراوتی میں زیر تعمیر وائی ایس آر کانگریس کے دفتر پر چندرا بابو نائیڈو کا بلڈوزر چل رہا ہے۔ وائی ایس آر سی پی کے سربراہ جگن موہن ریڈی نے چیف منسٹر پر انتقامی سیاست میں ملوث ہونے کا الزام لگایا ہے۔
صبح 5.30 بجے چلا بلڈوزر
موصولہ اطلاعات کے مطابق امراوتی کیپٹل ریجن ڈیولپمنٹ اتھارٹی نے ہفتہ کو سخت حفاظتی انتظامات کے درمیان تاڈے پلی میں زیر تعمیر YSRCP دفتر کی عمارت کو گرانا شروع کر دیا۔ تاڈے پلی میں نئے وائی سی پی پارٹی دفتر کے قریب زیر تعمیر عمارت میں انہدام کا کام صبح سویرے شروع ہوا۔ چند دنوں میں مکمل ہونے والی اس عمارت کو کھودنے والی مشینوں اور بلڈوزر کی مدد سے گرایا جا رہا ہے۔ انہدام کا کام آج صبح 5:30 بجے شروع ہوا۔
#WATCH | CORRECTION | Amaravati, Andhra Pradesh: YSRCP’s under-construction* central office in Tadepalli was demolished today early morning. As per YSRCP, “TDP is doing vendetta politics.
The demolition proceeded even though the YSRCP had approached the High Court the previous… pic.twitter.com/mwQN1bEXOr
— ANI (@ANI) June 22, 2024
وائی ایس آر کانگریس نے توہین عدالت کا لگایا الزام
وائی ایس آر کانگریس کے ایک لیڈر نے کہا کہ زیر تعمیر دفتر کو منہدم کیا جا رہا ہے جبکہ وائی ایس آر سی پی نے گزشتہ روز سی آر ڈی اے کے ابتدائی اقدامات کو چیلنج کرتے ہوئے ہائی کورٹ سے رجوع کیا تھا۔ عدالت نے انہدام کی کسی بھی سرگرمی کو روکنے کا حکم دیا تھا۔ یہ حکم وائی ایس آر سی پی کے وکیل نے سی آر ڈی اے کمشنر کو دیا ہے۔ لیکن توہین عدالت کرتے ہوئے اسے گرایا جا رہا ہے۔
پہلے بھی کی گئی تھی کارروائی
قبل ازیں حیدرآباد میونسپل کارپوریشن (GHMC) نے وائی ایس جگن موہن ریڈی کی لوٹس پانڈ رہائش گاہ سے متصل فٹ پاتھ پر غیر قانونی تعمیرات کو منہدم کردیا۔ یہ کارروائی آندھرا پردیش کے چیف منسٹر کے عہدے سے ریڈی کے استعفیٰ کے 10 دن بعد ہوئی ہے۔ جی ایچ ایم سی کے ایک سینئر عہدیدار کے مطابق بلدی عہدیداروں نے جگن کی رہائش گاہ کے سامنے فٹ پاتھ پر کمپاؤنڈ وال سے متصل غیر قانونی تعمیر کو منہدم کردیا۔ انہوں نے کہا کہ یہ غیر قانونی تعمیرات سیکورٹی اہلکار استعمال کر رہے تھے۔
-بھارت ایکسپریس
