سلمان خان کی فلم ‘سکندر’ 30 مارچ کو دنیا بھر میں ریلیز ہوئی، شائقین اور میکرز دونوں کو فلم سے بہت زیادہ توقعات تھیں، قابل ذکر بات یہ ہےکہ ریلیز کے بعد یہ فلم باکس آفس پر اچھی کارکردگی دکھانے میں ناکام رہی۔ 11 دن گزرنے کے بعد بھی ‘سکندر’ ڈومیسٹک باکس آفس پر اپنا بجٹ واپس نہیں کر پائی ہے۔ اب سنی دیول کی فلم ‘جاٹ’ ریلیز ہونے والی ہے اور اس سے پہلے ہی ‘سکندر’ کے کلیکشن میں مزید کمی آئی ہے۔
Saccanilk کی رپورٹ کے مطابق ‘سکندر’ نے پہلے ہفتے میں باکس آفس پر 97.55 کروڑ روپے کی کمائی کی۔ فلم نے آٹھویں دن 4.75 کروڑ روپے کا بزنس کیا۔ ‘سکندر’ نے نویں دن 1.75 کروڑ اور دسویں دن 1.5 کروڑ کا بزنس کیا۔
‘ سکندر ‘ نے 11ویں دن صرف اتنے ہی کلیکشن کیا
اب ‘سکندر’ کے 11ویں روز کے ابتدائی اعداد و شمار سامنے آگئے ہیں۔ ‘سکندر’ نے 11ویں دن اب تک کی سب سے کم کلیکشن کی ہے۔ سلمان خان کی فلم نے 11ویں دن اب تک (رات 9 بجے تک) صرف 1 کروڑ روپے کا بزنس کیا ہے۔ اس کے ساتھ ہی گھریلو باکس آفس پر فلم کا کل کلیکشن 106.75 کروڑ روپے تک پہنچ گیا ہے۔
کیا ‘سکندر’ ‘جاٹ’ سے ڈری ہوئی ہے ؟
آپ کو بتاتے چلیں کہ سنی دیول کی ایکشن اور تھرلر فلم ‘جاٹ’ 10 اپریل کو سینما گھروں کی زینت بننے والی ہے۔ فلم کو لے کر شائقین میں زبردست کریز ہے۔ فلم کی ریلیز میں ایک دن باقی ہے اور اس سے قبل ہی سلمان خان کی فلم کا کلیکشن باکس آفس پر تیزی سے گرتا جارہاہے۔
‘سکندر’ کے بارے میں!
اے آر مرگادوس کی ہدایت کاری میں بننے والی ‘سکندر’ ایک ایکشن تھرلر فلم ہے۔ فلم میں سلمان خان کے ساتھ رشمیکا مندانا مرکزی اداکارہ کے طور پر نظر آئی ہیں۔ اس کے علاوہ ستیہ راج، پرتیک ببر، کاجل اور شرمن جوشی جیسے اداکار اہم کردار ادا کرتے نظر آئے ہیں۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
