کولکاتا نائٹ رائیڈرس نے دہلی کیپٹلس کے منہ سے جیت چھین لی۔
Delhi Capitals vs Kolkata Knight Riders: دہلی کے ارون جیٹلی اسٹیڈیم میں دہلی کیپٹلس اور کولکاتا نائٹ رائیڈرس کے درمیان کانٹے کی ٹکر دیکھنے کو ملی۔ اس دلچسپ مقابلے میں کولکاتا نائٹ رائیڈرس (کے کے آر) نے 14 رنوں سے جیت درج کی۔ کولکاتا نائٹ رائیڈرس کی اس دلچسپ جیت کے ہیرو سنیل نرائن رہے۔ انہوں نے اپنی کرشمائی گیند بازی سے میچ پلٹ دیا۔ کولکاتا نائٹ رائیڈرس نے اس میچ میں پہلے کھیلنے کے بعد 204 رن بنائے تھے۔
جواب میں دہلی کیپٹلس نے ایک وقت 13 اوور میں تین وکٹ گنواکر 130 رن بنالئے تھے۔ ایسا لگ رہا تھا کہ فاف ڈوپلیسس (45 گیندوں میں 62 رن) اوراکشر پٹیل (23 گیندوں میں 43 رن) آسانی سے دہلی کو جیت دلا دیں گے، لیکن پھر سنیل نرائن نے بازی پلٹ دی۔ دہلی مقررہ اووروں میں 190 رن ہی بناسکی اورکولکاتا نائٹ رائیڈرس نے 14 رنوں سے میچ جیت لیا۔ کولکاتا سے ملے 205 رنوں کے ہدف کا پیچھا کرنے اتری دہلی کی شروعات بے حد خراب رہی۔ پہلے اوورکی دوسری گیند پرہی ابھیشیک پوریل چاررن بناکر آوٹ ہوئے۔ پھرکرون نائربھی 15 رن بناکرپویلین لوٹ گئے۔
ساتویں اوورمیں 60 رنوں کے اسکور پر کے ایل راہل رن آوٹ ہوگئے۔ انہوں نے پانچ گیندوں میں 7 رن بنائے۔ بھلے ہی ایک طرف سے وکٹ گر رہے تھے، لیکن فاف ڈوپلیسس دوسری طرف سے تیزی سے رن بنا رہے تھے۔ 60 رنوں پر 3 وکٹ گرے تو لگا کہ کولکاتا نائٹ رائیڈرس آسانی سے میچ جیت لے گی، لیکن فاف ڈوپلیسس اوراکشرپٹیل نے جوابی حملہ شروع کردیا۔ دونوں تیزی سے رن بنانے لگے۔ دونوں کے درمیان 76 رنوں کی شراکت ہوئی۔ 13.1 اوور میں دہلی کا اسکور 3 وکٹ پر 136 رن بنا لئے تھے۔ پھر سنیل نرائن نے اکشرپٹیل کوآوٹ کردیا۔ وہ 23 گیندوں میں 43 رن بناکرپویلین لوٹے۔ ان کے بلے سے 4 چوکے اور 3 چھکے نکلے۔
پھر سنیل نرائن نے ٹرسٹن اسٹبس کو بولڈ کردیا۔ اسٹبس صرف ایک رن ہی بناسکے۔ اس کے بعد سنیل نرائن نے فاف ڈوپلیسس کو بھی آوٹ کردیا۔ انہوں نے 45 گیندوں میں 62 رن بنائے۔ ان کے بلے سے 7 چوکے اور دو چھکے لگائے۔ اکشرپٹیل اورفاف ڈوپلیسس کے آوٹ ہوتے ہی کولکاتا نائٹ رائیڈرس حاوی ہوگئی۔
اخیرمیں آشوتوش شرما اور وپراج نگم سے کرشمہ کی امید تھی، لیکن آشوتوش ایک چھکا لگانے کے بعد آوٹ ہوگئے۔ انہوں نے 7 رن بنائے۔ وپراج نے جارحانہ انداز دکھایا۔ انہوں نے 19 گیندوں میں 4 چوکے اور تین چھکوں کی مدد سے 43 رنوں کی اننگ کھیلی، لیکن وہ دہلی کو جیت نہیں دلا سکے۔ کولکاتا کے لئے سنیل نرائن نے 4 اوور میں 29 رن دے کر تین وکٹ جھٹکے۔ ورون چکرورتی نے بھی دو وکٹ لئے۔ اس کے علاوہ انکل رائے، ویبھو اروڑہ اورآندرے رسیل کو ایک ایک کامیابی ملی۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
