وقف ترمیمی ایکٹ پورے ملک میں نافذ ہو چکا ہے۔ اس ایکٹ کے خلاف مغربی بنگال کے مرشد آباد میں تشدد کا واقعہ رونما ہوا ہے۔ اب مغربی بنگال کی وزیر اعلیٰ ممتا بنرجی نے اس معاملے پر بیان دیا ہے۔ انہوں نے کہا ہے کہ وقف ترمیمی ایکٹ مغربی بنگال میں نافذ نہیں کیا جائے گا۔ انہوں نے کہاکہ میں جانتی ہوں کہ آپ وقف ایکٹ کے نفاذ سے ناخوش ہیں، یقین رکھیں، بنگال میں ایسا کچھ نہیں ہوگا ۔ممتا بنرجی نے کہا کہ بنگلہ دیش کے حالات کو دیکھیں، اسے (وقف بل) اب پاس نہیں ہونا چاہیے تھا۔ ممتا بنرجی نے کولکاتہ میں منعقدہ ایک پروگرام میں کہا کہ کچھ لوگ ان سے کہتے ہیں کہ آپ ہر مذہب کی جگہوں پر کیوں جاتے ہیں، تو وہ کہتی ہیں کہ ہم ہر مذہب کی جگہوں پر جاتے ہیں اور جاتے رہیں گے۔ ممتا بنرجی نے مزید کہاکہ اگر آپ ہمیں گولی بھی مار دیں تو بھی آپ ہمیں اتحاد سے نہیں ہٹا سکتے۔
مغربی بنگال کی وزیر اعلیٰ ممتا بنرجی نے بھی کہا کہ یہاں ہر مذہب، ہر ذات، ہر برادری انسانیت کے لیے دعا کرتی ہے اور ہم ان سے پیار کرتے ہیں۔ انہوں نے کہاکہ میں درگا پوجا، کالی پوجا، گرودواروں، گرجا گھروں، جین مندروں، بدھ مندروں، گرو رویداس کے مندروں میں جاتی ہوں… کیوں نہ کروں؟ راجستھان میں، میں نے اجمیر شریف کے ساتھ ساتھ پشکر میں برہما مندر بھی جاتی ہوں۔یاد رہے کہ وقف (ترمیمی) ایکٹ کے خلاف مظاہروں کے بعد منگل کو مسلم اکثریتی ضلع مرشد آباد میں تشدد پھوٹ پڑا۔
VIDEO | Kolkata: West Bengal CM Mamata Banerjee (@MamataOfficial) attends Vishwa Navkar Mahamantra Divas.
“Some people raise question why do I visit places of all religion… I said I will continue to visit in my entire lifetime. Even if you shoot me dead, you will not be able… pic.twitter.com/CFF9kVtJQw
— Press Trust of India (@PTI_News) April 9, 2025
ایک اہلکار نے بتایا کہ رگھوناتھ گنج اور سوتی تھانے کے علاقوں میں امتناعی احکامات نافذ کر دیے گئے ہیں۔ ضلع کے تمام حساس علاقوں بالخصوص جنگی پور شہر اور اس کے آس پاس بڑی تعداد میں پولیس فورس تعینات کی گئی ہے۔انہوں نے کہا کہ جنگی پور علاقے میں انٹرنیٹ خدمات کو معطل کر دیا گیا ہے تاکہ کسی بھی قسم کی غلط معلومات کو پھیلنے سے روکا جا سکے۔ “صورتحال پرامن اور قابو میں ہے۔ ضلع میں کہیں سے بھی کسی ناخوشگوار واقعے کی اطلاع نہیں ملی ہے۔ امتناعی احکامات نافذ ہیں اور 10 اپریل کی شام 6 بجے تک جاری رہیں گے، جبکہ انٹرنیٹ خدمات 11 اپریل کی شام 6 بجے تک معطل رہیں گی۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
