Asaduddin Owaisi On Haj: آل انڈیا مجلس اتحاد المسلمین کے صدر اور حیدرآباد سے رکن پارلیمنٹ اسد الدین اویسی نے حج کمیٹی پر لاپرواہی کا الزام لگاتے ہوئے سرکار کو ہدف تنقید بنایا ہے۔ انہوں نے الزام لگایا ہے کہ لاکھوں روپئے لینے کے بعد بھی حج پر جانے والے عازمین حج کو بنیادی سہولیات فراہم نہیں کی جارہی ہیں ۔ اس سلسلے میں اسدالدین اویسی نے ٹوئٹر پر ایک پوسٹ میں لکھا ہے کہ ” بھارت سے بڑی تعداد میں لوگ حج کرنے کیلئے سعودی عرب پہنچ رہے ہیں ۔ ملک سے 1،75،025لوگ حج کیلئے جارہے ہیں لیکن اس بیچ حج کمیٹی کی لاپرواہی بھی سامنے آرہی ہے۔
भारत से बड़ी संख्या मे लोग हज करने पहुंच रहे हैं।भारत से 1,75,025 आज़मीन-ए-हज के पहुंचने के इमकान हैं। लेकिन इसी बीच हज कमेटी कि लापरवाही सामने आ रही है |
एक-एक हाजी से 4 लाख वसूले लेकिन सुविधा नहीं दी गई। ठहरने के साथ बुनियादी सुविधाएं भी नहीं हैं।भारत के आज़मीन-ए-हज परेशान…— Asaduddin Owaisi (@asadowaisi) June 12, 2023
ایم آئی ایم چیف اسدالدین اویسی نے کہا کہ ایک ایک حاجی سے چارلاکھ روپے وصولے گئے، لیکن پھر بھی سہولت نہیں دی گئی۔ قیام کیلئے بنیادی سہولیات نہیں ہیں ۔ بھارت کے عازمین حج پریشان ہیں ۔ حج کمیٹی سے اتنی بڑی لاپرواہی کیسے ہوئی؟ ۔ وزیراعظم نریندر مودی اور مرکزی وزیر برائے اقلیتی امور سمرتی ایرانی کو فوراً ان مسائل کا ازالہ کرنا چاہیے۔
Sir, kindly let us know if any particular Hajis need any help. The Embassy & the @CGIJeddah is fully committed to addressing all issues pertaining our Hajis. All arrangements are monitored very closely to ensure comfort & convenience to our Hajis.
— India in Saudi Arabia (@IndianEmbRiyadh) June 12, 2023
رکن پارلیمنٹ اسدالدین اویسی کے ٹوئٹ پر سعودی عرب میں ہندوستانی سفارتخانہ نے جواب دیا ہے ۔ انہوں نے اسدالدین اویسی سے کہا ہے کہ برائے مہربانی ہمیں بتائیں کہ کیا کسی عازمین کو خصوصی سہولیات درکار ہے۔ سفارتخانہ اور جدہ میں بھارتی حکام عازمین حج سے متعلق تمام مسائل کو حل کرنے کیلئے پوری طرح سے تیاری ہیں۔ ہمارے عازمین حج کو آرام اور سہولیات کی فراہمی کو یقینی بنانے کیلئے تمام پہلووں کی نگرانی کررہے ہیں ۔ سفارتخانہ نے مزید کہا کہ بھارت سے 83000عازمین حج سعودی عرب پہنچ چکے ہیں ۔ وہ پابندی کے ساتھ حرم شریف کی زیارت کررہے ہیں اور عمرہ کے ساتھ نماز ادا کررہے ہیں ۔ بھارت سے 450 سے زیادہ ڈاکٹروں ،سرکاری اہلکاروں اور خادم الحاج کی ٹیم 24 گھنٹے عازمین حج کی خدمت میں لگے ہوئے ہیں ۔
بھارت ایکسپریس۔
