آئی پی ایل کی تاریخ کی دو کامیاب ترین ٹیمیں اتوار کو آمنے سامنے تھیں۔ ممبئی انڈینز کا مقابلہ چنئی سپر کنگز سے ہوا۔ یہ میچ چنئی کے چیپاک اسٹیڈیم میں کھیلا گیا۔ چنئی کے کپتان رتوراج گائیکواڑ نے ٹاس جیت کر پہلے گیند بازی کا فیصلہ کیا۔ ٹاس ہار کر پہلے بیٹنگ کا فیصلہ کرتے ہوئے ممبئی انڈینز نے 20 اوورز میں 9 وکٹوں کے نقصان پر 155 رنز بنائے۔ ممبئی کی جانب سے تلک ورما نے سب سے زیادہ 31 رنز کی اننگز کھیلی۔ ان کے علاوہ کپتان سوریہ کمار یادو نے 29، دیپک چہر نے 28 اور نمن دھیر نے 17 رنز بنائے۔
چنئی کی جانب سے نور احمد نے 4 وکٹیں حاصل کیں۔ ان کے علاوہ خلیل احمد نے 3 کامیابیاں حاصل کیں۔ اس میچ میں اسپنرز نے اپنی بہترین کارکردگی کا مظاہرہ کیا۔ چنئی نے نور احمد کی 4 وکٹوں کی بدولت ممبئی کو 155 رنز تک محدود کر دیا۔
جواب میں چنئی نے 19.1 اوور میں 6 وکٹوں کے نقصان پر ہدف حاصل کرلیا۔ رچن رویندرا نے سب سے زیادہ 65 رنز بنائے۔ ان کے علاوہ کپتان رتوراج گائیکواڑ نے 26 گیندوں میں 53 رنز بنائے۔ اس دوران چنئی کے کپتان نے 6 چوکے اور 3 چھکے لگائے۔ ہدف کا تعاقب کرتے ہوئے چنئی نے دوسرے ہی اوور میں اپنا پہلا وکٹ گنوا دیا۔ راہل ترپاٹھی صرف دو رن بنانے کے بعد پویلین لوٹ گئے۔ اس کے بعد رچن رویندرا اور رتوراج گائیکواڑ نے مورچہ سنبھالا۔ دونوں کے درمیان دوسری وکٹ کے لیے 37 گیندوں میں 67 رنز کی شراکت ہوئی۔ کپتان گائیکواڑ 53 رنز کی بہترین اننگز کھیلنے کے بعد آؤٹ ہوگئے۔ اس کے بعد چنئی کی اننگز ڈگمگا گئی لیکن ساتویں نمبر پر بلے بازی کے لیے آنے والے رویندر جڈیجہ نے صورتحال پر قابو پالیا۔ انہوں نے ٹیم کو ہدف کے قریب لے جانے کے لیے رچن رویندرا کے ساتھ 36 رنز کی شراکت داری کی۔ تاہم وہ جیت سے چار رن قبل رن آؤٹ ہو گئے۔ اس میچ میں شیوم دوبے نے 9، دیپک ہوڈا نے 3 اور سیم کرن نے 4 رنز بنائے۔ مہندر سنگھ دھونی کھاتہ کھولے بغیر ناٹ آؤٹ رہے۔
وگنیش پوتھور نے ممبئی کے لیے ایک متاثر کن کھلاڑی کے طور پر اپنا آغاز کیا۔ انہوں نے تین وکٹ لیے جبکہ دیپک چہر اور ول جیکس نے ایک ایک وکٹ حاصل کیے۔
باضابطہ کپتان ہاردک پانڈیا کی غیر موجودگی میں اپنا پہلا میچ کھیلنے والی ممبئی کو عبرتناک شکست کا سامنا کرنا پڑا۔ ممبئی نے 2012 کے بعد سے کسی بھی سیزن کا پہلا میچ نہیں جیتا ہے۔ یہ پہلے میچ میں ان کی مسلسل 13ویں شکست ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
