جے ڈی یو لیڈر قاسم انصاری نے نتیش کمار کو خط لکھ کر استعفیٰ دے دیا ہے۔
لوک سبھا میں وقف ترمیمی بل منظورہوگیا ہے۔ اب اس بل کو راجیہ سبھا میں پیش کیا گیا ہے۔ این ڈی اے کی اتحادی پارٹی جے ڈی یو نے بھی اس بل کی حمایت کی ہے۔ اس کی وجہ سے بہارکے وزیراعلیٰ نتیش کمار کو بڑا جھٹکا لگا ہے۔ جے ڈی یو کے سینئر لیڈر قاسم انصاری نے پارٹی سے استعفیٰ دے دیا ہے۔
مرکز میں وقف ترمیمی بل کوحمایت دینے کے بعد جے ڈی یو میں ہنگامہ مچ گیا۔ کئی اقلیتی لیڈران کی مخالفت کے بعد اب استعفے کا دور شروع ہوگیا۔ جے ڈی یو کے اقلیتی مورچہ کے لیڈراوربہارکے ڈھاکہ اسمبلی سیٹ کے سابق امیدوار محمد قاسم انصاری نے اپنے عہدے اور رکنیت سے استعفیٰ دے دیا۔ اسے لے کرانہوں نے جے ڈی یو کے قومی صدر اوروزیراعلیٰ نتیش کمار کو خط لکھا ہے۔
قاسم انصاری نے نتیش کمار کو بھیجا استعفیٰ
جے ڈی یو کے سینئرلیڈرقاسم انصاری نے خط لکھ کروزیراعلیٰ نتیش کمار سے کہا کہ ہم جیسے لاکھوں کروڑوں ہندوستانی مسلمانوں کا اٹوٹ بھروسہ تھا کہ آپ خالصتاً سیکولرنظریے کے علمبردارہیں، لیکن اب یہ یقین ٹوٹ گیا ہے۔ وقف بل ترمیمی ایکٹ 2024 پرجے ڈی یو کے موقف نے ہندوستانی مسلمانوں اور کارکنان کوگہرا صدمہ پہنچایا ہے۔
یہ بل مسلمانوں کے خلاف ہے: قاسم انصاری
قاسم انصاری نے کہا کہ وقف ترمیمی بل ہندوستانی مسلمانوں کے خلاف ہے۔ ہم کسی بھی صورت میں اسے قبول نہیں کرسکتے ہیں۔ یہ بل آئین کے کئی بنیادی حقوق کی خلاف ورزی کرتا ہے، لیکن اس کا احساس نہ تو آپ کو ہے اور نہ ہی آپ کی پارٹی کو۔ ایسے میں پارٹی کی بنیادی رکنیت اور دیگرذمہ داریوں سے اپنی مرضی سے استعفیٰ دے رہا ہوں۔
وقف ترمیمی بل لوک سبھا سے منظور
لوک سبھا میں وقف ترمیمی بل پرووٹنگ ہوئی۔ لوک سبھا اسپیکراوم برلا نے بتایا کہ اس بل کی حمایت میں 288 پڑے اور مخالفت میں 232 ووٹ ملے۔ اس سے پہلے وقف ترمیمی بل پرزبردست بحث ہوئی۔ اپوزیشن نے بل کی خامیوں کواجاگرکیا اوراس میں ترمیم کئے جانے کا مطالبہ کیا۔ اس سے پہلے اس بل میں مختلف ترامیم پر ووٹنگ ہوئی اورکئی اپوزیشن لیڈران کے ذریعہ پیش کئے گئے ترامیم کوخارج کردیا گیا ہے۔ وقف ترمیمی بل پیش کئے جانے کے بعد بحث کے لئے 8 گھنٹے کا وقت مختص کیا گیا ہے، لیکن یہ بحث 12 گھنٹے سے زیادہ تک چلی۔ اس دوران نتیش کمارکی پارٹی جے ڈی یواورچندرا بابو نائیڈوکی پارٹی ڈی پی نے حکومت کی بل سے متعلق حمایت کی۔
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
