عباس عراقچی (فائل فوٹو)
امریکہ نے آج دن کے اوئل میں ایران کی تین جوہری تنصیبات پر حملے کے ساتھ ہی اسرائیل ایران جنگ میں ایک طرح سے باضابطہ انٹری کر لی ہے۔ حالاں کہ امریکی صدر نے ایک مکمل طور پر کامیاب حملہ قرار دیتے ہوئے دعویٰ کیا ہے کہ انھوں نے فوردو سمیت ایران کی تین جوہری تنصیبات کو مکمل طور پر تباہ کر دیا ہے، تاہم ایران نے اس کی تردیدی کی ہے۔ ایران کا کہنا ہے کہ ان تنصیبات پر حملہ ضرور ہوا ہے، لیکن یہ تباہ نہیں ہوئے ہیں اور اس کے نیوکلیئر وسائل محفوظ ہیں۔
دریں اثنا ایران کی جانب سے پہلا آفیشیل بیان سامنے آ گیا ہے اور ایران کے وزیر خارجہ عباس عراقچی نے ایران کی جوہری تنصیبات پر امریکی حملوں کو یو این چارٹر اور بین الاقوامی قوانین کی خلاف ورزی قرار دیتے ہوئے ’’سنگین نتائج‘‘ سے خبردار کیا ہے۔ سوشل میڈیا پلیٹ فارم ’ایکس‘ پر ایک پوسٹ میں عراقچی نے لکھا کہ ’’اقوام متحدہ کی سلامتی کونسل کے مستقل رکن امریکہ نے ایران کی پرامن ایٹمی تنصیبات پر حملہ کر کے اقوام متحدہ کے چارٹر، بین الاقوامی قانون اور این پی ٹی کی سنگین خلاف ورزی کا ارتکاب کیا ہے۔‘‘
ایران اپنے دفاع میں ردعمل کا حق محفوظ رکھتا ہے: عباس عراقچی
ایرانی وزیر خارجہ نے مزید کہا کہ ’’آج صبح ہونے والے واقعات اشتعال انگیز ہیں اور اس کے سنگین نتائج ہوں گے۔ اقوام متحدہ کے ہر رکن کو اس انتہائی خطرناک، لاقانونیت اور مجرمانہ رویے پر چوکنا ہونا چاہیے۔ اقوام متحدہ کے چارٹر اور اس کی دفعات کے مطابق، جو اپنے دفاع میں جائز ردعمل کی اجازت دیتا ہے، ایران اپنی خودمختاری، مفادات اور عوام کے دفاع کے لیے تمام اختیارات محفوظ رکھتا ہے۔‘‘
The United States, a permanent member of the United Nations Security Council, has committed a grave violation of the UN Charter, international law and the NPT by attacking Iran’s peaceful nuclear installations.
The events this morning are outrageous and will have everlasting…
— Seyed Abbas Araghchi (@araghchi) June 22, 2025
اسرائیل اور ایران کی اس جنگ میں امریکہ کی شمولیت کے بعد خطے میں حالات مزید خراب ہونے کے امکانات بڑھ گئے ہیں۔ ایرانی وزیر خارجہ عباس عراقچی کے بیان میں بھی ’سنگین نتائج‘ کے طور پر اس جانب اشارہ کیا گیا ہے۔ اس سے قبل حملے کے بعد ٹرمپ نے ایران کو خبردار کیا ہے کہ اگر اس نے امریکہ کے خلاف جوابی کارروائی کی تو اس پر مزید خطرناک حملے کیے جائیں گے، تاہم ایرانی وزیر خارجہ نے واضح طور پر کہا ہے کہ ’’ایران اپنی حفاظت کے لیے جائز ردعمل کا حق محفوظ رکھتا ہے۔‘‘
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
