سنبھل سے ایس پی ایم پی ضیاء الرحمان برق کی بڑھ سکتی ہیں مشکلات، اب اس معاملے میں تحقیقات شروع
سنبھل میں ہوئے تشدد سے متعلق پورے یوپی میں ہنگامہ مچا ہوا ہے۔ اکھلیش یادوکی قیادت میں سماجوادی پارٹی کے اراکین پارلیمنٹ نے لوک سبھا اسپیکرسے ملاقات کی ہے۔ سماجوادی پارٹی کے اراکین پارلیمنٹ نے اسپیکر سے سنبھل تشدد پرایوان میں بحث کا مطالبہ کیا ہے۔ اس دوران اکھلیش یادونے سنبھل اراکین پارلیمنٹ پرہوئی ایف آئی آرکا معاملہ اٹھایا اورکہا کہ وہ موجود نہیں تھے، پھربھی ایف آئی آرہوئی۔ انہوں نے سنبھل رکن پارلیمنٹ ضیاء الرحمٰن برق کوتحفظ دینے کا مطالبہ کیا۔
#WATCH | Delhi: On Sambhal stone pelting incident, Samajwadi Party MP Akhilesh Yadav says “…Just to hide their misdeeds and looting of votes during the by-elections, the government has done this deliberately. Some people even say that after watching the film ‘The Sabarmati… pic.twitter.com/NE9MgDqLSQ
— ANI (@ANI) November 25, 2024
انہوں نے کہا کہ ورنہ ایسی صورتحال میں رکن پارلیمنٹ کیسے کام کریں گے۔ اکھلیش یادوسنبھل تشدد سے متعلق مسلسل آوازاٹھا رہے ہیں۔ اکھلیش یادونے کہا کہ ایم پی ضیاء الرحمٰن برق سنبھل میں موجود نہیں تھے۔ وہ بنگلور میں تھے۔ پولیس کی فائرنگ سے نعیم کی جان گئی ہے۔ حکومت نے فسادات بھڑکائے۔ یہ واقعہ جان بوجھ کرپیش کیا گیا، عدالت نے دوسروں کی بات سنے بغیرسروے کا حکم دیا۔ سروے میں ذمہ دارلوگوں نے تعاون کیا۔ اگرآپ بی جے پی کی بات سنیں گے توآپ کھائی میں گرجائیں گے۔ مسلمانوں کوووٹ ڈالنے سے روکا گیا۔ اس کے ساتھ زیادتی ہوئی۔ فلم سابرمتی دیکھ کربڑا لیڈربننے کے لئے یہ سب کیا۔
#WATCH | Delhi: On Sambhal violence, Samajwadi Party MP Zia Ur Rehman Barq says, “The incident that the police administration carried out in Sambhal has shaken the entire humanity and has tarnished the image of the state and the country…Yesterday, I was not even present in the… pic.twitter.com/OKk1qKpHcD
— ANI (@ANI) November 25, 2024
رکن پارلیمنٹ ضیاء الرحمٰن برق اوررکن اسمبلی کے بیٹے پرایف آئی آر
دراصل، سنبھل میں شاہی مسجد کے سروے سے متعلق اتوارکے روزتشدد ہوا تھا۔ اس تشدد میں چارلوگوں کی موت ہوگئی جبکہ دودرجن سے زیادہ لوگ زخمی ہوگئے۔ اس حادثہ سے متعلق سنبھل کے رکن پارلیمنٹ ضیاء الرحمٰن برق اوروہاں کے رکن اسمبلی نواب اقبال کے بیٹے سہیل اقبال کے خلاف معاملہ درج کیا گیا ہے۔ ان دونوں لوگوں پرالزام ہے کہ انہوں نے ہی تشدد کی سازش کی جبکہ رکن پارلیمنٹ ضیاء الرحمٰن برق کا کہنا ہے کہ وہ وہاں موجود بھی نہیں تھے۔ اس کے باوجود بھی ایف آئی آردرج کی گئی۔
-بھارت ایکسپریس
