Rahul Gandhi should be expelled from the party: راہل گاندھی کو کانگریس سے باہر نکال کر ہی کانگریس کو بچایاجاسکتا ہے،آچاریہ پرمود کرشنم

کالکی دھام کے سرو آچاریہ پرمود کرشنم نے ایک بار پھر کانگریس پارٹی پر تنقید کی ہے۔ انہوں نے کہا کہ کانگریس کی دوکان بند ہوچکی ہے۔ پرمود کرشنم نے کہا کہ کوئی بھی دوکان دوطرح سے زندہ رہتی ہے ایک سودہ سے دوسرا خریداروں سے ، البتہ کانگریس کی آج حالت یہ ہوگئی ہے کہ کانگریس کی دوکان میں آج نہ سود ا ہے اور ناہی کوئی خریدار بچا ہے،انہوں نے کہا کہ راہل گاندھی کو پارٹی سے باہر نہیں کیا جاتا ہے، کانگریس ختم ہوجائے گی۔ انہوں نے کہا کہ 2027 میں کانگریس ایک نئے روپ میں تب نظرآسکتی ہے جب کانگریس پارٹی سے راہل گاندھی کو باہر نکالا جائے گا اور اس کی قیادت کو مکمل طور پر خارج کردی جائے گی ،بصورت دیگرکانگریس کی دوکان ہمیشہ کیلئے بند ہوجائے گی۔

अरे “हुज़ूर”
सुनियेगा “ज़रूर”@RahulGandhi @kharge @SachinPilot @ShashiTharoor @BhupinderShooda @DeependerSHooda @RajBabbar23 @OfficeOfKNath @Jairam_Ramesh @kcvenugopalmp @DKShivakumar @bhupeshbaghel @ashokgehlot51 @salman7khurshid @ManishTewari @harishrawatcmuk @INCIndia pic.twitter.com/eSxAjc6O3O

— Acharya Pramod (@AcharyaPramodk) March 16, 2025

ارونگزیب کے حق میں آچاریہ کا بیان

مغل حکمران اورنگزیب کا تنازع ختم ہونے کا نام نہیں لے رہا۔ کئی ہندو تنظیموں اور دیگر لوگوں نے اورنگ زیب کے مقبرے کو ہٹانے کے لیے بڑے پیمانے پر تحریک چلانے کا انتباہ دیا ہے۔ ادھر آچاریہ پرمود کرشنم اورنگ زیب کے مقبرے کے دفاع میں آگے آئے ہیں۔ اس حوالے سے انہوں نے بڑا بیان دیا ہے۔

کالکی دھام کے سرو آچاریہ پرمود کرشنم نے کہا کہ سناتن دھرم کسی کی قبر کو توڑنے کی اجازت نہیں دیتا۔ انہوں نے کہا کہ سناتن مرنے والوں سے لڑنا نہیں سکھاتا، سناتن دھرم ان تمام روحوں کا احترام کرتا ہے جو زمین چھوڑ چکے ہیں، جو مر چکے ہیں۔ ہم دشمن کی بھی توہین نہیں کرتے۔

آچاریہ پرمود کرشنم نے مزید کہا کہ “روح مذہب اور روابط سے بالاتر ہے، ہم تمام روحوں کا احترام کرتے ہیں۔ کسی کے دل و جان کو ٹھیس پہنچانا ہندوستان کی ثقافت کے خلاف ہے۔ ان کا یہ بیان ایسے وقت میں سامنے آیا ہے جب کئی ہندو تنظیمیں مغل حکمران اورنگ زیب کے مقبرے کو ہٹانے کا مطالبہ کر رہی ہیں۔

بھارت ایکسپریس۔