اتراکھنڈ کے ضمنی انتخاب میں مہم چلائیں گی مایاوتی، بھتیجے آکاش آنند کو بھی بنایا اسٹار کمپینر
Lok Sabha Election 2024: لوک سبھا انتخابات کے تیسرے مرحلے کی ووٹنگ کا عمل ختم ہو گیا ہے، اسی درمیان اتر پردیش سے ایک بڑی خبر سامنے آ رہی ہے۔ مایاوتی نے آکاش آنند کو بی ایس پی کے نیشنل کوآرڈینیٹر کے عہدے سے ہٹا دیا ہے۔ یہ بھی کہا کہ اب آکاش آنند میرے (مایاوتی) کے جانشین بھی نہیں ہیں۔ مایاوتی نے کہا کہ آکاش آنند میں پختگی کی کمی ہے۔ مایاوتی نے ایکس پر ایک پوسٹ کے ذریعہ اس کا اعلان کیا ہے۔
بھتیجے کے اس بیان سے بڑھی ناراضگی
انہوں نے سخت حملہ کرتے ہوئے کہا تھا کہ پی ایم مودی بی جے پی حکومت کو بلڈوزر کی حکومت کہنے پر اپوزیشن پارٹیوں سے سوال کر رہے ہیں، لیکن حقیقت میں یہ بلڈوزر کی نہیں، دہشت گردوں کی حکومت ہے۔ اس حکومت نے ملک کی عوام کو غلام بنا رکھا ہے۔ بی جے پی نے آکاش آنند کے خلاف سیتا پور میں بی جے پی حکومت کو دہشت گرد قرار دینے پر ایف آئی آر درج کرائی تھی۔
تاہم اس کے علاوہ آکاش آنند نے حال ہی میں اپنے بیان میں بہوجن سماج سے ووٹ مانگنے والوں کو جوتے مار کر بھگانے کی بات کی تھی۔ ایک اور بیان میں انہوں نے جس طرح سے رام مندر نہ جانے کے پارٹی کے فیصلوں کو لے کر بیان دیا تھا، اس پر سوالات اٹھ رہے تھے۔ ان تمام سیاسی پیش رفت کے بعد ان کی انتخابی ریلی منسوخ کر دی گئی۔
ایکس پر کیا اعلان
مایاوتی نے ایکس پر ایک لمبی پوسٹ لکھی ہے۔ مایاوتی نے پوسٹ میں کہا کہ یہ معلوم ہے کہ بی ایس پی ایک پارٹی ہونے کے ساتھ ساتھ بابا صاحب ڈاکٹر بھیم راؤ امبیڈکر کی عزت نفس اور سماجی تبدیلی کی مہم بھی ہے، جس کے لیے کانشی رام جی اور میں نے اپنی پوری زندگی وقف کر دی ہے۔ یہ نئی نسل کو بھی رفتار دینے کے لیے تیار کیا جا رہا ہے۔
1. विदित है कि बीएसपी एक पार्टी के साथ ही बाबा साहेब डा भीमराव अम्बेडकर के आत्म-सम्मान व स्वाभिमान तथा सामाजिक परिवर्तन का भी मूवमेन्ट है जिसके लिए मान्य. श्री कांशीराम जी व मैंने खुद भी अपनी पूरी ज़िन्दगी समर्पित की है और इसे गति देने के लिए नई पीढ़ी को भी तैयार किया जा रहा है।
— Mayawati (@Mayawati) May 7, 2024
پختگی کی کمی کا دیا حوالہ
پوسٹ میں مزید لکھا گیا ہے کہ اسی تسلسل میں پارٹی میں دیگر لوگوں کو پروموٹ کرنے کے ساتھ ساتھ انہوں نے آکاش آنند کو نیشنل کوآرڈینیٹر اور ان کا جانشین قرار دیا لیکن جب تک کہ وہ پارٹی اور تحریک کے وسیع تر مفاد میں مکمل پختگی کو حاصل نہیں کر لیتے تب تک انہیں ان دو اہم ذمہ داریوں سے الگ کیا جا رہا ہے۔
پارٹی میں رہیں گے آکاش کے والد
پوسٹ میں بی ایس پی سربراہ نے کہا کہ آکاش کے والد آنند کمار پہلے کی طرح پارٹی اور تحریک میں اپنی ذمہ داریاں نبھاتے رہیں گے۔ اس لیے بی ایس پی کی قیادت پارٹی اور تحریک کے مفاد میں اور بابا صاحب ڈاکٹر امبیڈکر کے کارواں کو آگے لے جانے میں ہر قسم کی قربانی دینے سے پیچھے نہیں ہٹنے والی ہے۔
-بھارت ایکسپریس
