India’s GDP grows: ہندوستان نے عالمی اسٹاک مارکیٹ میں شاندار کامیابی حاصل کی ہے۔ لمبی چھلانگ لگاتے ہوئے بھارت نے پانچویں پوزیشن پر قبضہ جما لیا ہے۔ ہندوستان نے فرانس کو پیچھے چھوڑتے ہوئے یہ مقام حاصل کیا ہے۔ اسٹاک مارکیٹ میں کچھ عرصے سے جاری تیزی کی وجہ سے ہندوستان کو یہ فائدہ ملا ہے۔ فرانس نے اس سال جنوری کے مہینے میں ہندوستان کو پیچھے چھوڑ دیا تھا۔ لیکن، 28 مارچ سے، ہندوستانی اسٹاک مارکیٹ میں مسلسل اضافہ دیکھا جا رہا ہے۔ اسی کا نتیجہ ہے کہ ہندوستان نے عالمی اسٹاک مارکیٹ میں زبردست ترقی کی ہے۔
واضح رہے کہ 28 مارچ سے ہندوستانی اسٹاک مارکیٹوں میں مسلسل تیزی جاری ہے۔ جس میں سینسیکس اور نفٹی میں تقریباً 10 فیصد اضافہ ہوا ہے۔ اس کے علاوہ بی ایس ای مڈ کیپ اور بی ایس ای سمال کیپ میں تقریباً 15 فیصد کا اضافہ ہوا ہے۔ اس کے علاوہ اپریل کے بعد مئی کے مہینے میں بھی ملکی اسٹاک مارکیٹ میں تیزی آئی ہے۔غیر ملکی پورٹ فولیو سرمایہ کاروں نے اس ماہ ہندوستانی ایکویٹی مارکیٹ میں اب تک 37,316 کروڑ روپے کی سرمایہ کاری کی ہے۔ ہندوستان کی مارکیٹ کیپٹلائزیشن 3.31 ٹریلین ڈالر تک پہنچ گئی ہے۔ اس کے ساتھ ہی ہندوستان ایک بار پھر دنیا کی پانچویں بڑی مارکیٹ بن گیا ہے۔اب یہ ٹاپ 10 سب سے زیادہ قیمتی ممالک میں پانچویں نمبر پر ہے۔ اس سال کے آغاز سے، بھارت نے تقریباً 330 بلین ڈالر کی مارکیٹ کیپٹلائزیشن کا اضافہ کیا ہے۔
اس کے مقابلے میں، امریکہ 44.54 ٹریلین ڈالر کی مارکیٹ ویلیو کے ساتھ سرفہرست ہے، اس کے بعد چین 10.26 ٹریلین ڈالر اور جاپان 5.68 ٹریلین ڈالر کے ساتھ دوسرے نمبر پر ہے۔ ہانگ کانگ 5.14 ٹریلین ڈالر کی مارکیٹ کیپٹلائزیشن کے ساتھ چوتھے نمبر پر ہے، جبکہ فرانس 3.24 ٹریلین ڈالر کی مارکیٹ ویلیو کے ساتھ چھٹے نمبر پرچلا گیا ہے اور پانچویں پوزیشن بھارت نے حاصل کرلی ہے۔جی ڈی پی کے اعداد و شمار سے پہلے مرکزی حکومت کو ایک اچھی خبر ملی ہے۔ درحقیقت، حکومت نے گزشتہ مالی سال 2022-23 کے مالیاتی خسارے کے اعداد و شمار جاری کیے ہیں۔ اس مدت کے دوران یہ جی ڈی پی کا 6.4 فیصد رہا۔ وزارت خزانہ کے نظرثانی شدہ تخمینوں میں مالیاتی خسارے کو اسی طرح برقرار رکھنے کا ہدف دیا گیا تھا۔
ہندوستان کی جی ڈی پی کی شرح نمو 2022-23 میں 7.2 فیصد رہے گی
ملک کی جی ڈی پی کی شرح نمو 2022-23 کے لیے اعداد و شمار جاری کیے گئے۔ ہندوستان کی جی ڈی پی کی شرح نمو 2022-23 میں 7.2 فیصد رہی ہے۔ تازہ ترین جاری کردہ اعداد و شمار میں اس عرصے کے دوران جی ڈی پی کی شرح نمو 7.2 فیصد بتائی گئی ہے۔ جبکہ 2021-22 میں یہ تخمینہ 9.1 فیصد تھا۔ مرکزی وزارت شماریات نے اس سلسلے میں اعداد و شمار جاری کئے ہیں ۔ وزارت نے مطلع کیا کہ 2022-23 کی پہلے کوارٹرمیں مستقل (2011-12) قیمتوں پر جی ڈی پی کا تخمینہ 43.62 لاکھ کروڑ لگایا گیا ہے، جو کہ 2021-22 کی چوتھے کوارٹر میں 41.12 لاکھ کروڑ کے مقابلے میں 6.1 فیصد کی نمو ریکارڈ ہوئی۔
India was the fastest-growing major economy over the last fiscal and in the quarter ending March 2023 as well. Growth in the year was driven by robust private consumption and a sustained increase in capital formation. (1/6)
— Ministry of Finance (@FinMinIndia) May 31, 2023
دو سہ ماہی کے بعد جی ڈی پی شرح نمو میں اضافہ ہوا
غور طلب ہے کہ لگاتار دو سہ ماہی میں کمی کے بعد اس بار سہ ماہی (جنوری تا مارچ سہ ماہی) جی ڈی پی کی شرح نمو میں اضافہ ہوا ہے۔قومی شماریات کے دفتر کی جانب سے جاری کردہ اعداد و شمار کے مطابق مالی سال 2022-23 کی اکتوبر تا دسمبر سہ ماہی میں اقتصادی ترقی کی شرح 4.5 فیصد رہی۔ 2021-22 کی جنوری-مارچ سہ ماہی میں جی ڈی پی کی شرح نمو چار فیصد تھی۔قومی شماریات کے دفتر نے دوسرے پیشگی تخمینہ میں ملک کی شرح نمو سات فیصد رہنے کا امکان ظاہر کیا تھا۔ مجموعی ملکی پیداوار سے مراد کسی ملک کی سرحدوں کے اندر پیدا ہونے والی اشیا اور خدمات کی کل قیمت ہے۔ 2023
محصولات کا خسارہ جی ڈی پی کا 3.9 فیصد رہا
حکومت کی طرف سے جاری کردہ اعداد و شمار کے مطابق، گزشتہ مالی سال 2022-23 میں مرکزی حکومت کا مالیاتی خسارہ جی ڈی پی کا 6.4 فیصد تھا۔ مرکزی حکومت کا مالیاتی خسارہ گزشتہ مالی سال 2022-23 میں مجموعی گھریلو پیداوار (جی ڈی پی) کا 6.4 فیصد رہا۔ حتیٰ کہ وزارت خزانہ کے نظرثانی شدہ تخمینوں میں بھی مالیاتی خسارے کو اسی طرح رہنے کا ہدف دیا گیا تھا۔ 2022-23 کے لیے مرکزی حکومت کے محصولات کے اخراجات کے اعداد و شمار جاری کرتے ہوئے، کنٹرولر جنرل آف اکاؤنٹس نے کہا کہ مالیت کے لحاظ سے مالیاتی خسارہ 17,33,131 کروڑ روپے (عارضی) ہے۔ حکومت اپنے مالیاتی خسارے کو پورا کرنے کے لیے بازار سے قرض لیتی ہے۔سی جی اے نے کہا کہ محصولات کا خسارہ جی ڈی پی کا 3.9 فیصد رہا ہے۔ اس کے ساتھ ہی، موثر محصولاتی خسارہ جی ڈی پی کا 2.8 فیصد رہا ہے۔
ہماری معیشت مثبت سمت میں تیز رفتاری سے آگے بڑھ رہی ہے: پی ایم مودی
The 2022-23 GDP growth figures underscore the resilience of the Indian economy amidst global challenges. This robust performance along with overall optimism and compelling macro-economic indicators, exemplify the promising trajectory of our economy and the tenacity of our people.
— Narendra Modi (@narendramodi) May 31, 2023
جی ڈی پی کے نئے اور مثبت اعدادوشمار کی وزیراعظم نریندر موددی نے بھی تعریف کی ہے ،انہوں نے ہندوستانی معیشت کو لچکدار بتایا ہے اور کہا ہے کہ ہماری معیشت تیز رفتاری کے ساتھ مثبت سمت میں گامزن ہے۔ پی ایم مودی نے ٹوئٹ کرتے ہوئے لکھا کہ ”سال 2022-23کے جی ڈی پی کے اعداد و شمار عالمی چیلنجوں کے درمیان ہندوستانی معیشت کی لچک کو واضح کرتے ہیں۔ مجموعی طور پر امید اور زبردست مائیکرو اکنامک اشاریوں کے ساتھ یہ مضبوط کارکردگی، ہماری معیشت کی امید افزا رفتار اور ہمارے لوگوں کی استقامت کی مثال ہے”۔
