ہندوستان سے انسانی امداد کی پہلی کھیپ میانمار کے ینگون ہوائی اڈے پر پہنچ گئی
پڑوسی ملک میانمار میں آئے زبردست زلزلے کی وجہ سے تقریباً 1000 لوگوں کی موت اب تک ہو چکی ہے۔ پڑوسی ممالک کی مدد میں ہمیشہ پیش پیش رہنے والا ملک ہندوستان ایسے میں کیسے پیچھے رہ سکتا تھا۔ ہندوستان نے فوری طور پر 15 ٹن پر مشتمل راحتی اشیاء ینگون پہنچا دیا ہے۔ وزیر خارجہ ایس جے شنکر نے اس امداد کے حوالے سے کہا کہ ’’آپریشن برہما شروع ہو گیا ہے۔ ہندوستان سے انسانی امداد کی پہلی کھیپ میانمار کے ینگون ہوائی اڈے پر پہنچ گئی ہے۔‘‘
مرکزی وزیر خارجہ کا کہنا ہے کہ ’’آئی ایف-ایم سی سی-130 کے ذریعہ کمبل، ترپال، حفظان صحت کٹس، اسلیپنگ بیگ، سولر لیمپ، کھانے کے پیکٹ اور رسوئی سیٹ بھیجا گیا ہے۔ ساتھ ہی طبی سہولیات بھی بھیجی گئی ہیں۔‘‘ اس کے علاوہ میانمار میں زلزلے کی وجہ سے متاثرہ علاقوں میں این ڈی آر ایف کی 8ویں بلاٹین اور ہندوستانی فضائیہ زلزلے سے متاثر لوگوں کی مدد کے لیے اس بچاؤ آپریشن کا حصہ بنی ہے۔
#OperationBrahma gets underway.
First tranche of humanitarian aid from India has reached the Yangon Airport in Myanmar.
— Dr. S. Jaishankar (@DrSJaishankar) March 29, 2025
میانمار میں بھیجی گئی 15 ٹن امدادی سامان ہندوستانی فضائیہ کے طیارے کے ذریعہ ہنڈن ایئربیس سے بھیجی گئی۔ امدادی سامان میں کھانے پینے کی اشیاء، طبی امداد، رہائش کا سامان اور دیگر اشیائے ضروریہ شامل ہیں۔ ہندوستان کے اس امدادی مشن ’آپریشن برہما‘ نے ایک بار پھر یہ ثابت کر دیا کہ مصیبت کے وقت ہندوستان اپنے پڑوسی ممالک کی مدد میں کس طرح پیش پیش رہتا ہے۔
Operation Brahma:
hands over the relief material to Myanmar
The first consignment of relief material was formally handed over to Chief Minister of Yangon U Soe Thein by Ambassador Abhay Thakur in Yangon today. pic.twitter.com/bpm8e7Olgf
— Randhir Jaiswal (@MEAIndia) March 29, 2025
امداد کے حوالے سے وزارت خارجہ کے ترجمان رندھیر جیسوال نے سوشل میڈیا پلیٹ فارم ’ایکس‘ پر ایک پوسٹ کرتے ہوئے لکھا کہ ’’آپریشن برہما: امدادی سامان میانمار کے حوالے کر دیا گیا۔ امدادی سامان کی پہلی کھیپ آج ینگون میں سفیر ابھے ٹھاکر کے ذریعہ ینگون کے وزیر اعلیٰ یو سوئی تھین کو باضابطہ طور پر سونپی گئی۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
