راجستھان رائلز نے آئی پی ایل 2025 میں بہترین واپسی کرتے ہوئے لگاتار دوسری جیت درج کر لی ہے۔ سنجو سیمسن کی ٹیم نے سیزن کے اپنے چوتھے میچ میں پنجاب کنگز کو اس کے ہی گھر میں گھس کر بالکل یکطرفہ انداز میں 50 رنوں سے ہرا دیا۔ اس طرح پنجاب کنگز کو اس سیزن میں اپنی پہلی شکست کا بھی سامنا کرنا پڑا۔
Masterclass in Pace and Precision 🔥
For his fiery spell that set the tone early with the ball, Jofra Archer bags the Player of the Match award 🏆
Scorecard ▶ https://t.co/kjdEJydDWe#TATAIPL | #PBKSvRR | @JofraArcher pic.twitter.com/NO4A8KgY5H
— IndianPremierLeague (@IPL) April 5, 2025
شریئس ایئر کی کپتانی والی ٹیم کو یہ شکست اپنے گھریلو میدان میں ملی، جہاں وہ اس سیزن کا اپنا پہلا ہی میچ کھیل رہی تھی۔ یعنی ٹیم کی گھر واپسی اچھی نہیں رہی۔ پنجاب کے نئے گھر ملاں پور میں 5 اپریل کو کھیلے گئے اس مقابلے میں میزبان پنجاب کنگز بہترین فارم کے ساتھ اتری تھی۔ نئے کپتان شریئس ایر اور نئے کوچ رکی پونٹنگ کی قیادت میں پنجاب کنگز نے سیزن کے شروعاتی دونوں میچ یکطرفہ انداز میں جیت لیے تھے۔ دوسری طرف راجستھان کو شروعاتی 2 میچوں میں شرمناک شکست ملی تھی، لیکن تیسرے میچ میں ٹیم نے جیت درج کی تھی، اور اب چوتھے مقابلے میں بھی جیت حاصل کر اپنی پوزیشن مضبوط کر لی ہے۔
Convincing outing 👏
🔙 to 🔙 wins ✌Rajasthan Royals spoil #PBKS‘ homecoming with a strong 5️⃣0️⃣-run victory 🩷
Updates ▶ https://t.co/kjdEJyebLM#TATAIPL | #PBKSvRR | @rajasthanroyals pic.twitter.com/LqAYRNEpC3
— IndianPremierLeague (@IPL) April 5, 2025
راجستھان رائلز نے اس میچ میں پہلے بلے باز کی اور اس کے لیے کپتان سنجو سیمسن و یشسوی جیسوال کی سلامی جوڑی نے صرف 10.2 اوورس میں ہی 89 رنوں کی بہترین شراکت داری کر دی۔ گزشتہ 3 میچوں میں بری طرح ناکام ہو رہے یشسوی نے آخر کار اپنا جلوہ دکھایا اور سیزن کی پہلی نصف سنچری لگائی۔ ریان پراگ نے بھی صرف 25 گیندوں میں ناٹ آؤٹ 43 رنوں کی طوفانی اننگ کھیلی، جس نے ٹیم کو 200 رنوں کے پار پہنچایا۔ پنجاب نے فیلڈنگ کے دوران کچھ کیچ بھی چھوڑے، جس کا فائدہ راجستھان کو ملا۔ راجستھان نے 20 اوورس میں 4 وکٹ کے نقصان پر 205 رن بنائے، جو اس میدان پر اب تک کا سب سے بڑا اسکور تھا۔ پنجاب کے لیے لوکی فرگیوسن نے سب سے زیادہ 2 وکٹ لیے۔ 1-1 وکٹ ارشدیپ سنگھ اور مارکو جانسن کے حصے میں آئے۔
I.C.Y.M.I
Some impressive shots were on display 👌
Nehal Wadhera with another eye-catching innings of 62(41) 👏
Updates ▶ https://t.co/kjdEJydDWe#TATAIPL | #PBKSvRR | @PunjabKingsIPL pic.twitter.com/xeAysSAelb
— IndianPremierLeague (@IPL) April 5, 2025
جب پنجاب کی بلے بازی شروع ہوئی تو راجستھانی گیندبازوں نے ان کی کمر شروع میں ہی توڑ دی۔ تیز گیندباز جوفرا آرچر نے پہلے اوور کی پہلی اور چھٹی گیند پر پریانش آریہ اور کپتان شریئس ایئر کو پویلین بھیج کر زوردار جھٹکا دے دیا۔ جلد ہی پنجاب کا اسکور 43 رن پر 4 وکٹ بھی پہنچ گیا۔ یہاں سے گلین میکسویل (30 رن) اور نیہال وڈھیرا (62 رن) نے 88 رنوں کی بہترین شراکت داری کر ٹیم کی امیدیں زندہ رکھیں، لیکن پندرہویں اور سولہویں اوور میں لگاتار گیندوں پر دونوں پویلین لوٹ گئے، اور پھر اس کے بعد ٹیم واپسی نہیں کر پائی۔ پنجاب 20 اوورس میں 9 وکٹ کے نقصان پر 155 رن ہی بنا سکی۔ جوفرا آرچر نے سب سے زیادہ 3 وکٹ لیے، جبکہ سندیپ شرما اور مہیش تیکشنا نے 2-2 وکٹ لیے۔ آرچر کو ان کی بہترین گیندبازی کے لیے پلیئر آف دی میچ ایوارڈ سے نوازا گیا۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
