راہل گاندھی کے ’ہائیڈروجن بم ‘ والے بیان پربرہم ہوئے بی جے پی ایم جگدمبیکا پال، کہا- “استعفیٰ دو اورمعافی مانگو”

نئی دہلی: لوک سبھا میں اپوزیشن لیڈراورکانگریس رکن پارلیمنٹ راہل گاندھی کے ’ہائیڈروجن بم‘ والے بیان پربی جے پی رکن پارلیمنٹ جگدمبیکا پال برہم ہوگئے ہیں۔ جگدمبیکا پال نے کہا، “راہل گاندھی رکن پارلیمنٹ منتخب کئے گئے ہیں، انہیں اپنی زبان پردھیان دینا چاہئے۔ وہ ہائیڈروجن بم کی بات کررہے ہیں، جس کا مطلب تباہ کاری ہے۔ کیا وہ ہیروشیما اور ناگاساکی جیسی صورتحال بنانا چاہتے ہیں؟”

پٹنہ میں بی جے پی پرجم کربرسے تھے راہل گاندھی

دراصل، پیرکے روز راہل گاندھی پٹنہ میں بی جے پی پربرسے تھے۔ اس دوران انہوں نے کہا تھا، “بی جے پی کے لوگ کالے جھنڈے دکھاتے ہیں، بی جے پی کے لوگ اچھی طرح سن لیجئے، ایٹم بم سے بڑا ’ہائیڈروجن بم‘ ہوتا ہے، بی جے پی کے لوگ تیارہوجاؤ، ’ہائیڈروجن بم‘ آرہا ہے، ووٹ چوری کی سچائی پورے ملک کوپتہ چلنے جا رہی ہے۔”

راہل گاندھی نے کہا تھا، “ہائیڈروجن بم کے بعد مودی جی اپنا چہرہ اس ملک کونہیں دکھا پائیں گے۔ انہوں نے کہا، “بہارمیں ایک نیا نعرہ چلا ہے، “ووٹ چور، گدّی چھوڑ”، جولوگوں کو بہت پسند آرہا ہے۔” انہوں نے پی ایم مودی کے چین دورہ پربھی بیان دیا تھا۔ انہوں نے کہا، “چین اورامریکہ میں بھی لوگ بول رہے ہیں، ووٹ چورگدّی چھوڑ۔”

#WATCH दिल्ली: भाजपा सांसद जगदम्बिका पाल ने कांग्रेस सांसद राहुल गांधी के ‘हाइड्रोजन बम’ वाले बयान पर कहा, “राहुल गांधी को सांसद बनने का भी अधिकार नहीं है अगर राहुल गांधी को सांसद के रूप में चुना गया है तो उन्हें ध्यान रखना चाहिए कि वह किस भाषा का इस्तेमाल कर रहे हैं उसका उनको… pic.twitter.com/FMSxvRPXoo

— ANI_HindiNews (@AHindinews) September 2, 2025

واضح رہے کہ بہارمیں اسمبلی الیکشن ہونے والے ہیں۔ ایسے میں کانگریس کے سینئرلیڈران کی پوری فوج بہارمیں ہے اورزبردست ریلیاں کررہی ہے۔ اسی موقع پر راہل گاندھی نے بی جے پی اورمرکزی حکومت کوگھیرتے ہوئے ’ہائیڈروجن بم‘ والا بیان دیا تھا۔ انہوں نے بہار کی ریلیوں میں عوام کے سامنے باربار یہ نعرہ دوہرا رہے ہیں کہ بی جے پی ووٹ چور ہے۔ حالانکہ بی جے پی راہل گاندھی کے الزامات کی تردید کرتی رہی ہے۔