کانگریس لیڈر اجے ماکن۔ (فائل فوٹو)
Delhi Election 2025: سینئر کانگریس لیڈر اجے ماکن نے ہفتہ (18 جنوری 2025) کو کہا کہ دہلی میں عام آدمی پارٹی کی ترقی سے بھارتیہ جنتا پارٹی کو فائدہ پہنچتا ہے اور کانگریس کو کمزور کرکے بی جے پی کا مقابلہ قومی سطح پر نہیں کیا جاسکتا۔ کانگریس کے خزانچی نے نئے کانگریس ہیڈکوارٹر اندرا بھون میں منعقدہ پارٹی کی پہلی پری کانفرنس میں یہ بھی کہا، ’’یہ میری ذاتی رائے ہے کہ عام آدمی پارٹی کے ساتھ اتحاد کرنے سے دہلی کے لوگوں کو بہت نقصان پہنچا اور بی جے پی کو فائدہ ہوا۔ “
اتحاد نہ ہونے کے لیے AAP کو ٹھہرایا ذمہ دار
ماکن نے دہلی اور ہریانہ اسمبلی انتخابات میں عآپ کے ساتھ اتحاد نہ کرنے کے لیے کیجریوال کی قیادت والی پارٹی کو ذمہ دار ٹھہرایا۔ انہوں نے کہا، ’’ہم عام آدمی پارٹی کے ساتھ مل کر ہریانہ اور دہلی کے انتخابات لڑنا چاہتے تھے، لیکن جیسے ہی اروند کیجریوال جیل سے باہر آئے، انہوں نے اعلان کیا کہ وہ (ہریانہ میں) تمام 90 سیٹوں پر الگ سے لڑیں گے۔ جہاں تک دہلی انتخابات کا تعلق ہے، AAP نے لوک سبھا انتخابات کے بعد اعلان کیا تھا کہ وہ دہلی کے انتخابات اکیلے لڑے گی۔ گوپال رائے نے یہ اعلان کیا تھا۔“
شیلا دکشت کے دور میں کانگریس نے تمام سات سیٹوں پر حاصل کی تھی کامیابی
کانگریس لیڈر نے کہا، ’’جب شیلا دکشت وزیر اعلیٰ تھیں، کانگریس نے دہلی کی سبھی سات لوک سبھا سیٹوں پر کامیابی حاصل کی تھی، لیکن دہلی میں AAP کی حکومت آنے کے بعد، اس کے برعکس ہو رہا ہے۔ بی جے پی نے سبھی سات لوک سبھا سیٹیں جیت لی ہیں، پھر بی جے پی کے ساتھ کون ہے؟ انہوں نے کہا کہ جو بھی دہلی میں لوک سبھا کی تمام سیٹیں جیتتا ہے وہ ہی ملک میں حکومت بناتا ہے۔“
یہ بھی پڑھیں- Rahul Gandhi Patna Visit: پٹنہ میں لالو یادو سے راہل گاندھی کی ہوئی بات چیت، انڈیا اتحاد کی یکجہتی کا دیا پیغام
عآپ کی ترقی سے بی جے پی کو فائدہ
اجے ماکن نے کہا، ’’کیجریوال کی ترقی سے بی جے پی کو فائدہ ہوتا ہے۔ بھارتیہ جنتا پارٹی کا مقابلہ کرنے کے لیے کانگریس کا قومی سطح پر مضبوط ہونا ضروری ہے۔ اگر اہم اپوزیشن پارٹی قومی سطح پر کمزور ہے تو بھارتیہ جنتا پارٹی کا مقابلہ کبھی نہیں کیا جا سکتا۔“
-بھارت ایکسپریس
