غزہ اسرائیل جنگ میں عارضی جنگ بندی کا پہلا دن کامیاب رہا ،چونکہ ناہی حملے ہوئے اور ناہی یرغمالیوں کی رہائی سے متعلق وعدہ خلافی،بلکہ دونوں فریق نے معاہدے کے تحت قیدیوں کے تبادلے کے پہلے اقدام کو پورا کردیا ہے اور دونوں جانب سے قیدیوں کی رہائی کا پہلا گروپ دونوں فریق کے حوالے کردیا گیا ہے۔ بین القوامی امدادی ادارے ریڈ کراس کا کہنا ہے کہ غزہ کی پٹی میں حماس کی قید سے 24 یرغمالیوں کو رہا کر دیا گیا ہے۔ قطر کی وزارت خارجہ کے ترجمان کا کہنا ہے کہ حماس سے رہائی پانے والے یرغمالیوں کے اس گروپ میں 13 اسرائیلی، 10 تھائی لینڈ اور ایک فلپائن کا شہری شامل ہے۔
We confirm that the ICRC has received 24 civilians that includes a number of civilian women and children, under the humanitarian truce agreement. A number of Thai citizens have also been released, and they are currently on their way out of the Gaza with the ICRC.
— د. ماجد محمد الأنصاري Dr. Majed Al Ansari (@majedalansari) November 24, 2023
واضح رہے کہ قطر نے اسرائیل اور حماس کے درمیان معاہدے میں ثالثی کی ہے۔ قبل ازیں تھائی لینڈ کے وزیر اعظم نے کہا تھا کہ حماس نے 12 تھائی شہریوں کو رہا کر دیا ہے۔اسرائیل اور حماس کے درمیان جنگ میں چار روزہ وقفے کے دوران یرغمالیوں کے تبادلے کا آغاز ہو گیا ہے۔اسرائیلی میڈیا کے مطابق غزہ میں موجود اسرائیلی قیدیوں کو ریڈ کراس کے حوالے کر دیا گیا ہے جہاں سے وہ مصر کی سرحد کے ذریعے جائیں گے۔واشنگٹن پوسٹ کے مطابق اب تک 25 قیدی رہا ہوئے ہیں جن میں سے 13 اسرائیلی قیدی اور 12 تھائی قیدی رہا کیے گئے ہیں۔ دوسری جانب تھائی لینڈ کے وزیراعظم نے سوشل میڈیا پر جاری بیان میں تصدیق کی ہے کہ غزہ میں قید 12 تھائی ورکرز کو بھی چھوڑ دیا گیا ہے۔
We also confirm the release of 39 women and children detained in Israeli jails thus upholding the commitment of the first day of the agreement.
— د. ماجد محمد الأنصاري Dr. Majed Al Ansari (@majedalansari) November 24, 2023
قطر کی وزارت خارجہ کے ترجمان نے جمعے کو بتایا کہ معاہدے کے تحت اسرائیلی جیلوں میں قید 39 فلسطینی خواتین اور بچے رہا کردیے گئے ہیں۔ غزہ کی وزارت صحت نے جمعے کو کہا کہ اسرائیلی افواج نے الشفا ہسپتال کو خالی کر دیا ہے۔ اے ایف پی کے مطابق غزہ کی وزارت صحت کے ترجمان اشرف القدرہ نے کہا اسرائیلی افواج کے واپس جانے کے بعد ہسپتال میں موجود افراد ایک مخدوش عمارت میں ہیں جس کا ’مرکزی جنریٹر دیگر عمارتوں کے ساتھ ساتھ تباہ ہو چکا ہے۔ اسرائیلی وزیر دفاع یوو گلانت نے جمعے کو کہا کہ حماس کے ساتھ سیزفائر معاہدہ ’عارضی وقفہ‘ ہے اور اس کے بعد اسرائیل اپنی پوری جنگی قوت سے حملے کرے گا۔
The 13 Israeli hostages released today.#ceasefire #فلسطين_الان pic.twitter.com/t2oJFRZd54
— Hamdan News (@HamdanWahe57839) November 24, 2023
روئٹرز نے رپورٹ کیا کہ اسرائیلی وزیر دفاع نے یہ الفاظ اپنے اطالوی ہم منصب سے گفتگو میں کہے جو اس وقت تل ابیب کے دورے پر ہیں۔ گلانت کے مطابق: ’ایک عارضی وقفہ ہوگا جس کے بعد ہم پوری جنگی قوت سے کام شروع کر دیں گے۔ ہم اپنے مقاصد کے حصول تک نہیں رکیں گے، جو کہ حماس کی تباہی ہے اور قیدیوں کو غزہ سے اسرائیل واپس لانا ہے ۔ 240 قیدی ہیں اور یہ ایک ایسی بات ہے جو ہمارے لیے قابل قبول نہیں ہے اور ہم اس کو برداشت نہیں کرسکتے ہیں۔
الأطقم الطبية المصرية تقدم الرعاية الصحية للمحتجزين الذين وصلوا إلى معبر #رفح#من_غزة_هنا_القاهرة#تضامنا_مع_فلسطين #القاهرة_الإخبارية pic.twitter.com/HB5Wr1QY8J
— AlQahera News (@Alqaheranewstv) November 24, 2023
بھارت ایکسپریس۔
