حماس کی قید میں 21 سالہ لڑکی میا شیم۔ (تصویر: ویڈیو گریب)
Israel-Palestine War Hostage Video Released: فلسطین کے حماس گروپ نے اپنے ٹیلی گرام چینل پرایک قیدی لڑکی کا ویڈیو جاری کیا ہے۔ ویڈیو میں دیکھا جاسکتا ہے کہ ایک لڑکی کو میڈیکل علاج فراہم کیا جا رہا ہے۔ اس کے ٹوٹے ہوئے دائیں ہاتھ میں پٹی کی جارہی ہے۔ ویڈیو کے دوسرے حصے میں لڑکی نے اپنے بارے جانکاری دیتے ہوئے بتایا کہ میں میا شیم ہوں۔ میری عمر 21 سال ہے۔ میں غزہ میں ہوں، میں ہفتہ کی صبح سدیروٹ میں ایک پارٹی سے لوٹی تھی۔ میں ابھی غزہ میں ہوں۔ میرے زخمی ہاتھ کا علاج کیا گیا اور اس دوران سرجری میں تین گھنٹے کا وقت لگا۔
قابل ذکرہے کہ میا شیم ایک فرانسیسی-اسرائیلی شہری ہے۔ اس نے ویڈیو میں کہا کہ وہ میرا خیال رکھ رہے ہیں۔ مجھے دوا دے رہے ہیں۔ یہاں سب کچھ ٹھیک ہے۔ میں بس اتنا چاہتی ہوں کہ مجھے جلدازجلد میرے والدین اورمیرے بھائی بہنوں کے پاس لے جاکرپہنچا دیں۔ پلیزجتنی جلدی ہوسکے مجھے یہاں سے نکال لیں۔
حماس نے ٹیلی گرام چینل پر پوسٹ کیا ویڈیو
حماس نے ٹیلی گرام چینل پرویڈیو کے ساتھ ایک کیپشن ڈالتے ہوئے جانکاری دی کہ القاسم بریگیڈ کے مجاہدین غزہ میں ایک خاتون قیدی کو میڈیکل ٹریٹمنٹ دے رہے ہیں۔ اس خاتون کو الاقصیٰ لڑائی کے پہلے دن پکڑلیا گیا تھا۔ اسرائیل کے آرمی ریڈیو نے میا کی ماں کیرین شیم کے حوالے سے کہا کہ حملہ شروع ہوتے ہی میں نے اس کے موبائل فون پرکال کیا تھا، اس کا (بیٹی میا شیم) فون گھنٹوں سے بج رہا ہے، لیکن کوئی جواب نہیں مل پایا تھا۔ میں نے ہرکسی کو بتایا کہ میری بیٹی لاپتہ ہے، لیکن کسی نے مجھ سے رابطہ نہیں کیا۔
חמאס שחרר סרטון של חטופה ישראלית.
– פרסום לאחר אישור המשפחה. pic.twitter.com/YJlMWeapzT— Fadi Amun | فادي أمون | פאדי אמון (@FadiAmun) October 16, 2023
متاثرہ لڑکی کی چچی کا ردعمل آیا سامنے
جیروشلم پوسٹ نے میا شیم کی چچی گیلٹ کے حوالے سے کہا کہ آج مجھے اہل خانہ نے چلّاتے ہوئے بلایا اور بتایا کہ انہوں نے میا شیم کو ٹیلی گرام پرایک ویڈیو میں دیکھا ہے۔ میں نے اسے دیکھا اور مجھے ایسا لگا کہ میں خواب دیکھ رہی ہوں۔ آخرکار میں نے اتنے وقت کے بعد لڑکی کو دیکھا۔ وہ بہت سہمی ہوئی لگ رہی ہے، لیکن سکون اس بات کا ہے کہ وہ زندہ ہے۔ خاتون نے کہا کہ میں اپنی لڑکی کو گھرپردیکھنا چاہتی ہوں۔ اس درمیان، اسرائیلی سیکورٹی اہلکاروں نے کہا کہ میا شیم کے اہل خانہ کو اس کی بیٹی کے اغوا کے بارے میں مطلع کیا گیا تھا۔
بھارت ایکسپریس۔
