-->
انڈین پریمیئر لیگ 2025 کا پہلا میچ 22 مارچ کو کولکتہ نائٹ رائیڈرز اور رائل چیلنجرز بنگلور کے درمیان کھیلا جائے گا۔ کولکتہ نے گزشتہ سیزن میں آئی پی ایل کا خطاب جیتا تھا۔ اگر ہم راجستھان رائلز کی بات کریں تو ان کا پہلا میچ 23 مارچ کو ہے۔ راجستھان کا مقابلہ سن رائزرس حیدرآباد سے ہوگا۔ راجستھان نے میگا نیلامی میں 13 سالہ کھلاڑی ویبھو سوریاونشی کو خریدا تھا۔ ویبھو نے چھوٹی عمر میں ہی شاندار کارنامے انجام دینے شروع کردئے ہیں۔
ویبھو نے کئی مواقع پر ہندوستانی انڈر 19 ٹیم کے لیے شاندار کارکردگی کا مظاہرہ کیا ہے۔ انہوں نے آسٹریلیا کے خلاف میچ میں خطرناک پرفارمنس دی تھی۔ ویبھو نے صرف 58 گیندوں میں سنچری اسکور کی تھی۔ ویبھو نے انڈر 19 ایشیا کپ 2024 میں بھی شاندار کارکردگی کا مظاہرہ کیا۔ انہوں نے سری لنکا کے خلاف سیمی فائنل میں ہندوستان کے لیے نصف سنچری بنائی تھی۔ ویبھو نے اس میچ میں 36 گیندوں کا سامنا کرتے ہوئے 67 رنز بنائے تھے۔ ان کی اننگز میں 6 چوکے اور 5 چھکے شامل تھے۔
ویبھو میگا نیلامی میں سب سے کم عمر کروڑ پتی
ویبھو سوریاونشی آئی پی ایل میگا نیلامی میں سب سے کم عمر کروڑ پتی بننےکا اعزاز اپنے نام کیا ہے۔۔ انہیں راجستھان رائلز نے 1.10 کروڑ روپے میں خریدا۔ ویبھو کی بیس پرائز قیمت 30 لاکھ روپے تھی۔ راجستھان کی نظر طویل عرصے سے ویبھو پر تھی۔ آسٹریلیا کے خلاف سنچری بنانے کے علاوہ انہوں نے ایک اور میچ میں ٹرپل سنچری بھی اسکور کی ہے۔ ویبھو نے بہار میں انڈر 19 ٹورنامنٹ میں ناقابل شکست 332 رنز بنائے تھے۔
ویبھو کی اب تک کی کارکردگی کچھ اس طرح رہی ہے
ویبھو کی اچھی کارکردگی گھریلو کرکٹ میں بھی دیکھی گئی ہے۔ وہ اب تک 5 فرسٹ کلاس میچ کھیل چکے ہیں۔ وہ 6 لسٹ اے میچ کھیل چکے ہیں۔ اس دوران انہوں نے 132 رنز بنائے۔ ویبھو نے لسٹ اے میں نصف سنچری بنائی ہے۔ انہوں نے بڑودہ کے خلاف بہار کے لیے 71 رنز کی اننگز کھیلی۔ ویبھو نے بنگال کے خلاف میچ میں 26 رنز بنائے تھے۔
سنجو سیمسن کا مزید کہنا تھا کہ میں سمجھتا ہوں کہ ان کے لیے ابھی مناسب ماحول ملنا ضروری ہے۔ انہیں چمک اور گلیمر سے دور رکھنا ہوگا۔ راجستھان رائلز ایسے ٹیلنٹ کی تعریف کرنا اور ان کی حفاظت کرنا جانتا ہے۔ انہوں نے یہ بھی کہا کہ اگر ویبھو اگلے دو سالوں میں ٹیم انڈیا کے لئے کھیلتے ہوئے نظر آتے ہیں تو یہ حیرت کی بات نہیں ہوگی۔ سیمسن کے مطابق ویبھو نہ صرف آئی پی ایل کے لیے تیار ہیں بلکہ وہ کرکٹ میں بھی بہت کچھ کرنے کے لیے تیار ہیں۔
بھار ت ایکسپریس
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
