سابق وزیر انل دیشمکھ کی گاڑی پر پتھراؤ، سر میں لگی چوٹ ،بیٹے کے اسمبلی حلقے میں ہوا حملہ
شرد پوار دھڑے کے لیڈر اور مہاراشٹر کے سابق وزیر داخلہ انل دیشمکھ کی گاڑی پر کٹول میں پتھراؤ کیا گیا۔ اس میں سابق انیل دیشمکھ زخمی ہوئے ہیں۔ پولیس موقع پر پہنچ گئی ہے۔ انل دیشمکھ کے سر پر چوٹ لگی اور خون بہہ گیا۔ واقعے کے بعد انہیں فوری طور پر اسپتال لے جایا گیا۔ حملہ کس نے کیا اس بارے میں تاحال معلومات موصول نہیں ہوئیں۔
Former home minister of Maharashtra and NCP (SP) leader Anil Deshmukh attacked with stones in Katol while campaigning for his son. Suffers head injury. Most unfortunate. Maharashtra must have no place for goondagardi: why speak of Shahu Phule Ambedkar legacy and then resort to… pic.twitter.com/dT30dxg5gP
— Rajdeep Sardesai (@sardesairajdeep) November 18, 2024
پیر 18 نومبر مہاراشٹر کی انتخابی مہم کا آخری دن تھا۔ مہم شام پانچ بجے ختم ہوئی۔ دیشمکھ کٹول سے ناگپور شہر لوٹ رہے تھے۔ اس وقت نامعلوم افراد نے ان کے قافلے پر حملہ کر دیا۔ سابق وزیر داخلہ گاڑی کی اگلی سیٹ پر بیٹھے تھے۔ بتایا جا رہا ہے کہ ان کی گاڑی کی کھڑکی کھلی ہوئی تھی۔
انل دیشمکھ کی تصویر سوشل میڈیا پر وائرل ہو گئی ہے۔ ان کے کپڑوں پر خون لگے ہیں ۔ این سی پی (شرد چندر پوار) نے بھی اپنے ایکس اکاؤنٹ پر ویڈیو شیئر کیا ہے۔
مہاراشٹر میں 20 نومبر کو ایک ہی مرحلے میں انتخابات ہوں گے
288 رکنی مہاراشٹر اسمبلی کے لیے انتخابات ایک ہی مرحلے میں 20 نومبر کو ہوں گے، جب کہ اسمبلی انتخابات کے ووٹوں کی گنتی 23 نومبر کو ہوگی۔
وزیر اعلیٰ ایکناتھ شندے کی قیادت میں شیو سینا، بی جے پی اور اجیت پوار کی این سی پی پر مشتمل عظیم اتحاد دوبارہ اقتدار حاصل کرنے کی کوشش کر رہا ہے۔ جب کہ شیوسینا (یو بی ٹی)، این سی پی (ایس پی) اور کانگریس کی اپوزیشن مہا وکاس اگھاڑی (ایم وی اے) موجودہ حکومت کو اقتدار سے بے دخل کرنے کی کوشش کر رہی ہے۔
بھارت ایکسپریس
