چھتیس گڑھ کے نائب وزیر اعلی ارون ساؤ نے کہا کہ کن کے ہاتھ میں کھیل رہے ہیں ونیش پھوگاٹ اور بجرنگ پونیا
چھتیس گڑھ کے نائب وزیر اعلی ارون ساؤ نے ونیش پھوگاٹ اور بجرنگ پونیا کے کانگریس میں شامل ہونے پر ردعمل ظاہر کیا ہے۔ ان سے جب پوچھاگیا کہ ونیش نے الزام لگایا کہ جب انہیں سڑکوں پر گھسیٹا جا رہا تھا تو بی جے پی کے علاوہ ہر پارٹی ان کے ساتھ کھڑی تھی۔ اس پر ارون ساؤنے کہا کہ اس معلوم ہوتاہے کہ ونیش پھوگاٹ اور بجرنگ پونیا کن کے ہاتھ کھیل رہے ہیں۔ صاف نظر آرہا ہے کہ وہ کانگریس کی گود میں کھیل رہے تھے۔ بی جے پی ہمیشہ انصاف کے حق میں کھڑی ہوتی رہی ہے۔ بی جے پی ہمیشہ انصاف کے حق میں کھڑی ہوتی ہے۔
ڈپٹی سی ایم ارون ساؤونے مزید کہا کہ کھلاڑیوں کے الزامات بالکل بے بنیاد ہیں اور وہ سیاسی بنیادوں پر بیانات دے رہے ہیں۔ آج جب وہ کانگریس کی امیدوار (ونیش پھوگاٹ) بنی ہیں، تو یہ بتاتاہے کہ ان کی ذہنیت اور سوچ کیا ہے۔
#WATCH | On Vinesh Phogat’s statement, Chhattisgarh Deputy CM Arun Sao says, ” From this, we can understand that ‘yeh do khiladi Vinesh Phogat aur Bajrang Punia Congress ke godh mein khel rahe theyy’…in BJP action is always taken as per the justice and legal procedures and BJP… pic.twitter.com/Z0kphGdfaO
— ANI (@ANI) September 7, 2024
کانگریس میں شامل ہونے کے بعد ونیش پھوگاٹ نے کیا کہا؟
کانگریس میں شامل ہونے کے بعد ونیش پھوگاٹ نے ایکس پر پوسٹ کیا اور لکھا کہ کانگریس پارٹی نے ہمیشہ خواتین اور کھلاڑیوں کے حقوق اور آواز کو مضبوطی سے اٹھایا ہے۔ اس نظریے سے متاثر ہو کر میں ملک اور ریاست کے کھلاڑیوں اور خواتین کی بہتری کے لیے کانگریس کے ساتھ کام کرنے کا پختہ عزم کرتی ہوں۔ میرا مقصد اس سمت میں مثبت تبدیلیاں لانا اور اس سب میں پیدا ہونے والے مسائل کے حل کو یقینی بنانا ہے۔
بجرنگ پونیا نے بھی ردعمل ظاہر کیا
کانگریس میں شمولیت کے بعد بجرنگ پونیا نے کہا کہ ہماری شمولیت سے پارٹی یقینی طور پر مضبوط ہوگی کیونکہ ہم نے غلط چیزوں کے خلاف آواز اٹھائی ہے۔ ہراہل وطن کو حق ہے کہ وہ غلط باتوں کے خلاف آواز اٹھائے اور میں اپنے آپ کو خوش قسمت سمجھتا ہوں کہ میں ایک ایسی جماعت میں شامل ہوا جو ہمیشہ ناانصافی کے خلاف لڑتی ہے۔
بھارت ایکسپریس
