سنبھل، اترپردیش میں، صبح سویرے، محکمہ بجلی کی ٹیم بھاری پولیس فورس کے ساتھ ایس پی ایم پی ضیاء الرحمان برق کی رہائش گاہ پر پہنچی اور مکمل جانچ کی۔ یہ کارروائی بجلی کی چیکنگ اور نئے لگائے گئے سمارٹ میٹروں کی ریڈنگ چیک کرنے کے لیے کی گئی۔سماج وادی پارٹی کے رکن پارلیمنٹ ضیاء الرحمان کی مشکلات بڑھ سکتی ہیں۔ کیوں کہ ان کے گھر میں نصب بجلی کے دو میٹروں میں چھیڑ چھاڑ کے ثبوت ملے ہیں۔ اب اس کے بعد ایف آئی آر درج کرنے کی تیاریاں کی جا رہی ہیں۔ حال ہی میں محکمہ بجلی نے ممبرپارلیمنٹ کے گھر سے پرانے میٹر ہٹا کر انہیں سیل کر دیا تھا اور جانچ کے لیے لیب میں بھیج دیا تھا۔ ممبرپارلیمنٹ کے گھر کے بجلی کے بل میں سالانہ ریڈنگ صفر آئی ہے۔
#Sambhal, #UttarPradesh: A team from State Electricity Department, along with a large number of security personnel, arrives at the residence of SP MP #ZiaUrRehmanBarq in Sambhal. The State Electricity Department has flagged irregularities in electricity usage at the premises of… pic.twitter.com/eGKmDKfMNu
— बैरागी :- RJ (@VairagiUvaaCH) December 19, 2024
حال ہی میں پرانے بجلی کے میٹر کو ہٹانے کے بعد ایم پی کی رہائش گاہ پر دو نئے سمارٹ میٹر لگائے گئے تھے۔ محکمہ کی ٹیم ان میٹروں کو چیک کرنے اور ان کی ریڈنگ ریکارڈ کرنے پہنچی تھی ۔ ٹیم سیڑھی کا استعمال کرتے ہوئے ایم پی کی رہائش گاہ کی دوسری منزل پر پہنچی اور بجلی کا لوڈ چیک کیا۔ٹیم اس بات کی جانچ کر رہی تھی کہ ممبرپارلیمنٹ کے گھر میں کتنی بجلی استعمال ہو رہی ہے۔ اس پورے آپریشن کے دوران پی اے سی کے اہلکار ریپڈ ایکشن فورس کے ساتھ تعینات رہے۔ ریپڈ ایکشن فورس کا خواتین دستہ بھی تعینات تھا۔ پولیس کے اعلیٰ حکام موقع پر موجود تھے۔
⭕ #SPOTLIGHT | Sambhal, UP: State Electricity Dept, with heavy security, inspects SP MP Zia ur Rehman Barq’s residence over flagged irregularities.
📊 The team is checking meter readings and load of ACs, fans, and other equipment.#UttarPradesh #ElectricityInspection #Sambhal… pic.twitter.com/kEaaiETDVW— thehardnewsdaily (@TheHardNewsD) December 19, 2024
ٹیم ایس پی ایم پی کی رہائش گاہ کے اندر گئی اور میٹروں کی جانچ کی۔ ذرائع کے مطابق یہ کارروائی محکمہ بجلی کی جانب سے چلائی جارہی تحقیقاتی مہم کا حصہ ہے۔ اس مہم کے تحت بڑے کنزیومر یونٹس اور سیاسی شخصیات کے بجلی کنکشنز کی چھان بین کی جا رہی ہے۔ممبرپارلیمنٹ ضیاء الرحمان برق کے گھر پر بجلی کی چیکنگ کے حوالے سے حکام نے بتایا کہ نیا سمارٹ میٹر لگا دیا گیا ہے اور اس کی ریڈنگ چیک کی جا رہی ہے۔ یہ دیکھا جا رہا ہے کہ میٹر ٹھیک سے کام کر رہا ہے یا نہیں۔
#WATCH | Sambhal, #UttarPradesh: A team from State Electricity Department, along with a large number of security personnel, arrives at the residence of SP MP Zia ur Rehman Barq in #Sambhal #SambhalViolence
— Kuldeep Sharma (@Kuldeepsharmap) December 19, 2024
آپ کو بتا دیں کہ سنبھل سے سماج وادی پارٹی کے ایم پی ضیاء الرحمان کے گھر میں بجلی کے استعمال میں بے ضابطگیوں کی اطلاع محکمہ بجلی کو ملی تھی۔ محکمہ بجلی نے بتایا تھا کہ ایم پی کے احاطے میں بجلی کے دو کنکشن ہیں۔ ایک کنکشن ایم پی ضیاء الرحمان کے نام پر رجسٹرڈ دو کلو واٹ کا ہے جو پراپرٹی کے سامنے واقع ہے۔دوسرا کنکشن ان کے دادا شفیق الرحمن کے نام دو کلو واٹ کا ہے۔ دوسرے میٹر پر نام ان کے دادا کی وفات کے بعد اپ ڈیٹ نہیں کیا گیا تھا۔ اب اس میٹر کو سیل کر کے اس کی حالت چیک کرنے کے لیے نوٹس جاری کیا جا رہا ہے۔ تحقیقات متعلقہ فریقین کی موجودگی میں ہوں گی اور شفافیت کے لیے عمل کی ویڈیو ریکارڈنگ کی جارہی ہے۔
بھارت ایکسپریس۔
