نئی دہلی ‘ دہلی میں جاری اسپیشل انٹینسیو ریویژن(ایس آئی آر) کے تحت نوٹس پانے والے بیشتر معروف ووٹروں کے بارے میں انتخابی حکام نے اہم اپ ڈیٹ دیا ہے۔ حکام کے مطابق، بیشتر اہم ووٹروں کی تفصیلات کی فیلڈ ویری فکیشن مکمل کر لی گئی ہے اور ان کے نام حتمی ووٹر فہرست میں شامل کرنے کے لیے محفوظ کر لیے گئے ہیں۔ نوٹس پانے والوں میں بی جے پی کے سینئر لیڈرلال کرشن اڈوانی، سابق نائب صدر جگدیپ دھنکڑ، وزیر خارجہ ایس جے شنکر، دہلی کی وزیر اعلیٰ ریکھا گپتا اور سابق وزیر اعلیٰ اروند کیجریوال سمیت کئی معروف شخصیات شامل ہیں۔
SIR عمل کے تحت جاری کیا گیا تھا نوٹس
ان کے علاوہ مختلف شعبوں سے وابستہ کئی دیگر اہم شخصیات کو بھی انتخابی فہرست میں درج تفصیلات میں ’عدم مطابقت‘ پائے جانے کے بعد نوٹس جاری کیے گئے تھے۔ حکام کے مطابق، بیشتر معاملات میں ووٹروں کا ریکارڈ 2002 میں دہلی میں ہونے والی گزشتہ SIR کی ووٹر فہرست سے میچ نہیں ہو سکا تھا۔ایسے زیادہ تر معروف ووٹر نئی دہلی اسمبلی حلقے سے تعلق رکھتے ہیں۔ انتخابی حکام کے مطابق نوٹس جاری ہونے کا مطلب ووٹر کا نام خود بخود فہرست سے خارج ہونا نہیں ہے۔ متعلقہ دستاویزات اور تفصیلات کی جانچ کے بعد ہی نام کے بارے میں حتمی فیصلہ کیا جاتا ہے۔
اب انتخابی حکام نے دی بڑی معلومات
حکام نے بتایا کہ گزشتہ چند دنوں میں بوتھ لیول افسران سمیت انتخابی حکام کی ٹیموں نے ایسے ووٹروں کے گھروں پر جا کر ان کی تفصیلات کی جانچ کی۔ اس دوران الیکشن کمیشن کی جانب سے مقرر کردہ معاون دستاویزات کی بنیاد پر ریکارڈ کی تصدیق کی گئی۔تصدیق کا عمل مکمل ہونے کے بعد ایسے بیشتر معروف ووٹروں کے نام 4 نومبر کو شائع ہونے والی دہلی کی حتمی ووٹر فہرست میں شامل کرنے کے لیے محفوظ کر لیے گئے ہیں۔
حتمی فہرست میں شامل ہوں گے VVIPs کے نام
الیکشن کمیشن کی ہدایات کے مطابق عدلیہ کے ارکان، عوامی نمائندوں، اہم عہدوں پر فائز افراد اور فن، ثقافت، صحافت، کھیل اور عوامی خدمت سمیت مختلف شعبوں کی معروف شخصیات کو بھی نوٹس جاری کیے گئے تھے۔ان میں لال کرشن اڈوانی، جگدیپ دھنکڑ، ایس جے شنکر، ریکھا گپتا، اروند کیجریوال، منیش سسودیا، وکرم مصری، اروند پناگڑیا، جنرل اپیندر دویدی اور سی بی آئی ڈائریکٹر پروین سود سمیت کئی نام شامل ہیں۔31 اگست کو شائع ہونے والی مسودہ ووٹر فہرست میں ان افراد کے نام شامل نہیں تھے۔ انتخابی حکام کے مطابق، تصدیق کے بعد ان کے نام حتمی فہرست میں شامل کرنے کے لیے محفوظ کر لیے گئے ہیں۔ دہلی کی حتمی ووٹر فہرست 4 نومبر 2026 کو شائع کی جانی ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
