نئی دہلی: مرکزی وزیر پیوش گوئل نے کانگریس لیڈر اور لوک سبھا میں قائد حزب اختلاف راہل گاندھی کے اس بیان پر سخت ردعمل ظاہر کیا ہے، جس میں انہوں نے وزیر اعظم نریندر مودی کے اٹلی دورے کے دوران ٹافی تقسیم کرنے کو نشانہ بنایا تھا۔ پیوش گوئل نے سوال اٹھایا کہ آخر راہل گاندھی کو بھارت اور بھارت میں تیار ہونے والی ہر چیز سے اتنی نفرت کیوں ہے۔ دراصل وزیر اعظم نریندر مودی اپنے پانچ ممالک کے دورے کے آخری مرحلے میں اٹلی پہنچے ہیں، جہاں انہوں نے اطالوی وزیر اعظم جارجیا میلونی سے ملاقات کی۔
राहुल गांधी को भारत और भारत में बनी हर वस्तु से इतनी नफरत क्यों है?
भारत आज Made in India और Local Goes Global के माध्यम से दुनिया का Trusted Destination बना है, लेकिन कांग्रेस को हर भारतीय उपलब्धि में समस्या ही दिखाई देती है।
जिस वैश्विक सम्मान, निवेश और भरोसे के लिए देश दशकों… https://t.co/MF57ofwUKC
— Piyush Goyal (@PiyushGoyal) May 20, 2026
اس ملاقات کے دوران وزیراعظم مودی نے انہیں بھارت میں تیار ہونے والی مشہور ٹافی ”میلوڈی“ تحفے میں دی۔ اس واقعے کی ایک مختصر ویڈیو سوشل میڈیا پر سامنے آنے کے بعد راہل گاندھی نے طنزیہ انداز میں تبصرہ کرتے ہوئے کہا تھا کہ ”معاشی طوفان سر پر ہے اور ہمارے وزیراعظم اٹلی میں ٹافیاں بانٹ رہے ہیں“۔ راہل گاندھی کے اس بیان کے بعد سیاسی حلقوں میں بحث شروع ہوگئی۔ مرکزی وزیر پیوش گوئل نے سوشل میڈیا پلیٹ فارم ایکس پر جواب دیتے ہوئے کہا کہ راہل گاندھی کو بھارت اور ”میڈ اِن انڈیا“ مصنوعات سے مسلسل مسئلہ رہتا ہے۔
आर्थिक तूफ़ान सर पर है, और हमारे प्रधानमंत्री इटली में टॉफ़ी बाँट रहे हैं!
किसान, युवा, महिलाएँ, मज़दूर और छोटे व्यापारी सब रो रहे हैं – PM हंसकर रील बना रहे हैं, और BJP वाले ताली बजा रहे हैं।
यह नेतृत्व नहीं, नौटंकी है।
— Rahul Gandhi (@RahulGandhi) May 20, 2026
انہوں نے لکھا کہ آج بھارت ”لوکل گوز گلوبل“ مہم کے تحت دنیا میں ایک قابل اعتماد مرکز کے طور پر ابھر رہا ہے، مگر کانگریس کو ہر بھارتی کامیابی میں خامیاں ہی دکھائی دیتی ہیں۔ پیوش گوئل نے مزید کہا کہ عالمی سطح پر جو عزت، سرمایہ کاری اور اعتماد حاصل کرنے کے لیے بھارت نے کئی دہائیوں تک انتظار کیا، وہ آج وزیر اعظم نریندر مودی کی قیادت میں ممکن ہو رہا ہے۔ ان کے مطابق یہی کامیابیاں اپوزیشن کو برداشت نہیں ہو رہیں۔
Thank you for the gift pic.twitter.com/7ePxbJwPbA
— Giorgia Meloni (@GiorgiaMeloni) May 20, 2026
اٹلی کی وزیر اعظم جارجیا میلونی نے بھی وزیراعظم مودی کے تحفے پر خوشی کا اظہار کیا۔ انہوں نے سوشل میڈیا پلیٹ فارم ایکس پر تقریباً 12 سیکنڈ کی ایک ویڈیو شیئر کی، جس میں وہ وزیراعظم مودی کے ساتھ نظر آئیں۔ ویڈیو میں میلونی کہتی ہیں کہ ”وزیراعظم مودی ہمارے لیے بہت اچھا تحفہ لائے ہیں۔ یہ ٹافیاں ہیں جو بہت مزیدار ہیں“۔ اس کے بعد وزیراعظم مودی ویڈیو میں میلوڈی ٹافی کا پیکٹ دکھاتے ہوئے مسکراتے نظر آئے۔ سوشل میڈیا پر یہ ویڈیو تیزی سے وائرل ہوگئی اور متعدد صارفین نے اسے بھارت کی ثقافتی اور تجارتی شناخت سے جوڑ کر دیکھا۔ وزیراعظم مودی کے روم پہنچنے پر اطالوی وزیراعظم جارجیا میلونی نے ان کا پرتپاک استقبال کیا تھا۔ دونوں لیڈروں کے درمیان دوطرفہ تعلقات، تجارت، سرمایہ کاری اور عالمی امور پر بھی تبادلہ خیال ہوا۔ سیاسی مبصرین کے مطابق ایک معمولی تحفے پر شروع ہونے والی بیان بازی اب سیاسی بحث کی نئی شکل اختیار کر چکی ہے۔
بھارت ایکپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
