کانگریس لیڈر ملیکا ارجن کھڑگے راجیہ سبھا میں خطاب کرتے ہوئے
Winter Session of Parliament: اروناچل پردیش کے توانگ سیکٹر میں ہندوستان اور چین کے فوجیوں کے درمیان جھڑپ کے بعد ملک کی سیاست گرم ہوگئی ہے۔ اب یہ معاملہ ایوان تک پہنچ گیا ہے۔ اپوزیشن ایوان میں اس معاملے پر بحث کرنے پر بضد ہے۔ لیکن اپوزیشن کا یہ مطالبہ مسترد کر دیا گیا ہے جس کے بعد اپوزیشن نے پیر کو ایوان سے واک آؤٹ کر دیا۔
راجیہ سبھا کی کارروائی شروع ہوئی تو چیئرمین جگدیپ دھنکھر نے ضروری دستاویزات ایوان کی میز پر رکھ دیئے۔ انہوں نے کہا کہ نو ارکان نے رول 267 کے تحت مختلف مسائل پر بحث کے لیے نوٹس دیے ہیں۔ لیکن ان میں سے کوئی بھی نوٹس قواعد کے مطابق نہیں ہے۔
ایوان میں اپوزیشن لیڈر ملکارجن کھڑگےنے کیا کہا؟
پارلیمنٹ کے سرمائی اجلاس کے دوران راجیہ سبھا میں اپوزیشن لیڈر ملکارجن کھڑگے نے کہا کہ چین ہماری زمین پر قبضہ کر رہا ہے۔ اس مسئلے پر بحث نہیں کریں گے تو اور کس مسئلے پر بات کریں گے۔ ہم ایوان میں اس معاملے پر بحث کے لیے تیار ہیں۔ لیکن حکومت اس پر بات کرنے سے بھاگ رہی ہے۔ جس کے بعد بھارت چین سرحدی تصادم پر بات کرنے کا ان کا نوٹس مسترد کر دیا گیا۔ جس کی وجہ سے مشترکہ اپوزیشن نے راجیہ سبھا سے واک آؤٹ کیا۔
कांग्रेस अध्यक्ष मल्लिकार्जुन खड़गे @kharge ने राज्यसभा में चीन के घुसपैठ और अवैध निर्माण के मुद्दे पर सरकार से बहस की मांग की है। @INCIndia pic.twitter.com/ghMegmCs3w
— Akhilesh Tiwari (abp news) अखिलेश तिवारी (@Akhilesh_tiwa) December 19, 2022
کانگریس لیڈر نے اٹھایا چین کی سرحد پر مبینہ تعمیرات کا مسئلہ
کانگریس لیڈر پرمود تیواری نے پیر کو راجیہ سبھا میں چین سرحد پر مبینہ تعمیرات کا معاملہ اٹھایا۔ ساتھ ہی مرکزی وزیر پیوش گوئل نے کہا کہ اس سے پہلے بھی تاریخ میں کئی اہم مسائل پر بات نہیں ہوئی ہے۔ انہوں نے مزید کہا، ”اپوزیشن خاص کر کانگریس پارٹی انتہائی نچلی سطح پر سیاست کر رہی ہے۔ اس طرح کے بہت سے حساس موضوعات ہیں، جن پر یو پی اے حکومت کے دوران بھی بات نہیں ہوئی۔
یہ بھی پڑھیں- Rahul Gandhi and Kharge: راہل گاندھی کو ‘جئے چند’ کہتے ہوئے بی جے پی نے کھڑگے سے کیا انہیں نکالنے کا مطالبہ
راہل نے بتایا حکومت کی پالیسیوں کو غلط
کانگریس کے سابق صدر راہل گاندھی نے کہا کہ چین جنگ کی تیاری کر رہا ہے جب کہ بھارتی حکومت سوئی ہوئی ہے اور خطرے کو نظر انداز کرنے کی کوشش کر رہی ہے۔ انہوں نے یہ بھی الزام لگایا کہ چین نے 2000 مربع کلومیٹر ہندوستانی علاقے پر قبضہ کر رکھا ہے۔ اروناچل پردیش میں ہمارے جوانوں کو مارا پیٹا جا رہا ہے۔ راہل گاندھی کے اس بیان کے بعد بی جے پی نے ان پر زبردست حملہ کیا ہے۔
-بھارت ایکسپریس
