راجستھان میں آج پیر (31 مارچ) کو عید بہت خوشی اور جوش و خروش کے ساتھ منائی جا رہی ہے۔ ریاست کے مختلف شہروں میں لوگوں کو مساجد اور عیدگاہوں میں نماز ادا کرتے ہوئے دیکھا گیا۔ سب نے ایک دوسرے کو گلے لگا کر مبارکباد دی۔ ادھر دارالحکومت جے پور سے عید کی ایک بہت ہی خوبصورت تصویر سامنے آئی ہے۔ یہاں ہندوؤں نے عیدگاہ آنے والے مسلمانوں پر پھولوں کی پتیاں نچھاور کیں۔ درحقیقت ہندو مسلم اتحاد کمیٹی کے بینر تلے پیر کو ہندوؤں نے جے پور میں عیدالفطر منانے عیدگاہ آنے والے مسلمانوں پر پھول برسائے۔ دہلی روڈ پر واقع عیدگاہ میں ہزاروں لوگ عید منانے کے لیے جمع تھے۔اسی دوران ہندوؤں نے مسلمانوں پر پھولوں کی پتیاں نچھاور کیں اور ہندو مسلم اتحاد کی مثال پیش کی۔
سیکیورٹی کے سخت انتظامات
عیدالفطر کے موقع پر ملک بھر میں سیکیورٹی کے سخت انتظامات کیے گئے تھے۔ اس سلسلے میں راجستھان کے مختلف حصوں میں بھی سخت حفاظتی انتظامات کیے گئے ہیں۔ جے پور میں دہلی روڈ پر واقع عیدگاہ میں ہزاروں مسلمان صبح سویرے نماز ادا کرنے کے لیے جمع ہوئے۔ نماز کی ادائیگی کے بعد سب نے ایک دوسرے کو گلے لگایا اور عید کی مبارکباد دی۔کچھ اسی طرح کی تصویر ملک کے کونے کونے سے دیکھنے کو ملی اور بیشتر مقامات پر نماز عید ادا کی جاچکی ہے اور اب خوشیاں منانے کا سلسلہ جاری ہے، لوگ ایک دوسرے کے بغل گیر ہورہے ہیں اور ایک دوسرے کے ساتھ کھان پان کی چیزیں تقسیم کرکے خوش ہورہے ہیں ۔
#WATCH | Jaipur, Rajasthan | Under the banner of Hindu Muslim Unity Committee, Hindus showered flowers on the Muslims who came to Eidgah, located at Delhi Road, to celebrate Eid al-Fitr. pic.twitter.com/JsIigQ5yrK
— ANI (@ANI) March 31, 2025
واضح رہے کہ عید ایک اسلامی تہوار ہے جو رمضان المبارک کے اختتام کی علامت ہے، یہ مہینہ روزے، نماز اور صدقہ کے لیے وقف ہے۔ اسلامی کیلنڈر کے دسویں مہینے شوال کی پہلی تاریخ کو منایا جانے والا یہ تہوار نئے چاند کی رویت پر مبنی ہے۔ عید کے دن ایک ماہ کے روزے رکھنے کے بعد لوگ دن بھر کھانا پینا شروع کر دیتے ہیں، مساجد میں خصوصی نمازیں ادا کی جاتی ہیں۔ بڑے چھوٹے بچوں کو عیدی دیتے ہیں اور لوگ ایک دوسرے کے گھر جاتے ہیں۔سوئیاں کھاتے ہیں اور گلے شکوے بھلا کر ایک دوسرے کو گلے لگاکر مبارکباد دیتے ہیں۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
