نئی دہلی : مغربی بنگال میں اسمبلی انتخابات کے نتائج کے بعد نئی حکومت کی تشکیل کا عمل تیز ہو گیا ہے۔ بھارتیہ جنتا پارٹی نے اعلان کیا ہے کہ 9 مئی کو نئی حکومت کی حلف برداری کی تقریب منعقد ہوگی، تاہم اب تک یہ واضح نہیں ہو سکا کہ ریاست کا اگلا وزیر اعلیٰ کون ہوگا۔بی جے پی کے ریاستی صدر شیامک سرکار نے کہا کہ پارٹی بنگال کے عوام، خاص طور پر مہاجر مزدوروں کی شکر گزار ہے جنہوں نے انہیں بھرپور حمایت دی۔ انہوں نے کہا کہ پارٹی کا مقصد صرف حکومت بدلنا نہیں بلکہ ریاست کا کھویا ہوا وقار واپس لانا تھا۔ ان کے مطابق اب وقت آ گیا ہے کہ انتخابی وعدوں کو پورا کیا جائے۔ انہوں نے مزید بتایا کہ 9 مئی کو عظیم شاعر رابندر ناتھ ٹائگور کی سالگرہ کے موقع پر حلف برداری تقریب منعقد کی جائے گی۔
VIDEO | On West Bengal CM face, BJP leader Locket Chatterjee (@me_locket) said,
“We will tell you as things are decided. Centre will decide on the CM face.”
(Full video available on PTI Videos – https://t.co/n147TvrpG7) pic.twitter.com/FpRlCkw2Yj
— Press Trust of India (@PTI_News) May 5, 2026
دوسری جانب سویندو ادھیکاری نے بھوانی پور سیٹ جیتنے کے بعد کہا کہ ممتا بنرجی کو شکست دینا بے حد ضروری تھا۔ ان کے مطابق یہ بنرجی کی سیاست کے خاتمے کا اشارہ ہے۔ انہوں نے دعویٰ کیا کہ انہیں مختلف طبقات کی حمایت حاصل ہوئی، جس کے باعث وہ واضح فرق سے کامیاب ہوئے۔ادھر ٹی ایم سی کی لیڈرمہوا موترانے انتخابی شکست کے باوجود کہا کہ پارٹی عوام کے فیصلے کا احترام کرتی ہے۔ انہوں نے زور دیا کہ ٹی ایم سی آئندہ بھی سیکولر اقدار اور آئینی اصولوں پر کاربند رہے گی اور اکثریتی سیاست کے بجائے جمہوری قدروں کو ترجیح دے گی۔
اسی معاملے پر ردعمل دیتے ہوئے کانگریس لیڈر راہل گاندی نے کہا کہ بنگال اور آسام کے نتائج بھارتی جمہوریت کے لیے تشویش کا باعث ہیں۔ انہوں نے الزام لگایا کہ بی جے پی جمہوری نظام کو کمزور کرنے کی کوشش کر رہی ہے اور اپوزیشن جماعتوں کو ذاتی سیاست سے اوپر اٹھ کر ملک کے مفاد میں سوچنا چاہیے۔سیاسی ماہرین کے مطابق بنگال میں اقتدار کی تبدیلی نہ صرف ریاستی سیاست بلکہ قومی سطح پر بھی بڑے اثرات مرتب کرے گی۔ اب سب کی نظریں اس بات پر مرکوز ہیں کہ بی جے پی کسے وزیر اعلیٰ منتخب کرتی ہے اور نئی حکومت کس طرح اپنے وعدوں کو عملی جامہ پہناتی ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
