Lok Sabha Election 2024 Jammu Kashmir: آئندہ لوک سبھا الیکشن کے لئے جموں وکشمیر کے سابق وزرائے اعلیٰ غلام نبی آزاد نے اس باراپنی سیٹ تبدیل کردی ہے۔ وہ اس باراپنے آبائی علاقے کے ادھم پور-کٹھوعہ لوک سبھا سیٹ کے بجائے اس باراننت ناگ-راجوری سیٹ سے الیکشن لڑ رہے ہیں۔ اس سیٹ پران کے سامنے محبوبہ مفتی ہیں۔ محبوبہ مفتی جموں وکشمیر کی سابق وزیراعلیٰ رہ چکی ہیں۔ اسے دیکھتے ہوئے اننت ناگ-راجوری لوک سبھا ہاٹ سیٹ میں تبدیل ہوگئی ہے۔ دلچسپ بات یہ ہے کہ دونوں ہی لیڈراپنے سیاسی وجود کے لئے جدوجہد کررہے ہیں۔
غلام نبی آزاد نے تقریباً 2 سال پہلے کانگریس کا ساتھ چھوڑکر اپنی الگ ڈیموکریٹک پروگریسیو آزاد پارٹی کی تشکیل کی تھی۔ جموں وکشمیر میں یہ ان کا دوسرا لوک سبھا الیکشن ہوگا، جس میں وہ امیدوارہیں۔ گزشتہ الیکشن انہوں نے 2014 میں کانگریس کے ٹکٹ پرادھم پور-کٹھوعہ سیٹ سے لڑا تھا، لیکن انہیں ہارکا سامنا کرنا پڑا تھا۔ تب بی جے پی کے ڈاکٹر جتیندرسنگھ نے انہیں ہرایا تھا۔ اس بارانہوں نے سیٹ بدلی ہے، لیکن اننت ناگ-راجوری سیٹ سے محبوبہ مفتی دو بارالیکشن جیت چکی ہیں۔ ایسے میں غلام نبی آزاد کی راہ آسان نہیں نظر آرہی ہے۔
Big fight from J&K this LokSabha
PDP Chief Mehbooba Mufti will fight Nabi Azad from Anantnag@MehboobaMufti had won from Anantnag in 2004 & 2014. This will be @ghulamnazad debut LS fight after forming his new party
1st election in J&K since abrogation of article… pic.twitter.com/OTyFW84H4G
— Nabila Jamal (@nabilajamal_) April 7, 2024
دو بارجیت چکی ہیں محبوبہ مفتی
پیپلزڈیموکریٹک پارٹی (پی ڈی پی) کی سربراہ محبوبہ مفتی نے 2004 اور 2014 کے الیکشن میں اسی لوک سبھا سیٹ سے جیت درج کی تھی۔ اس باران کا مقابلہ غلام نبی آزاد اورنیشنل کانفرنس کے سینئراوراثردار گجرلیڈر میاں الطاف سے ہے۔ بی جے پی نے ابھی تک اس سیٹ کے لئے اپنے امیدوارکا اعلان نہیں کیا ہے۔ محبوبہ مفتی نے 5 لوک سبھا سیٹوں والے مرکزکے زیرانتظام ریاست کی تین سیٹوں پراپنے امیدواراتارے ہیں۔ حالانکہ سیاسی صورتحال محبوبہ مفتی کی بھی ویسی ہی ہے، جیسی غلام نبی آزاد کی ہے۔ اس سے مقابلہ کافی دلچسپ ہوتا ہوا نظر آرہا ہے۔
Congratulations to our party @jkpdp for announcing these leaders for 3 seats in Kashmir.
Party president @MehboobaMufti Youth President @parawahid and our leader @MirMohdFayaz .
People want a change & we have faith you 3 stalwart leaders can bring it.!! InnshaAllah hum jeetga pic.twitter.com/ZAciFESb96— Faisal JKPDP (@pdpPampore) April 7, 2024
غلام نبی آزاد کے لئے بہت اہم ہے جیت
سیاسی پنڈتوں کا کہنا ہے کہ اگرغلام نبی آزاد کو سیاست میں اپنی پکڑبنائے رکھنی ہے تو یہ الیکشن جیتنا ان کے لئے بہت ضروری ہے۔ ایسا اس لئے کیونکہ لوک سبھا الیکشن میں ہاراسمبلی الیکشن میں ان کی پارٹی کو کافی کمزور کردے گی۔ غلام نبی آزاد کا ایک کمزورپہلو یہ ہے کہ ان کے ساتھ میں کوئی بڑا چہرہ نہیں ہے۔ ان کی پارٹی صرف 2 سیٹوں پرالیکشن لڑرہی ہے۔ کانگریس کے دوراقتدارمیں تقریباً 20 سالوں تک مرکزی وزیرکے عہدے پر فائز رہے غلام نبی آزاد کے لئے یہ لوک سبھا الیکشن یا تو کھیون ہارثابت ہوگا یا ان کی سیاسی کشتی ڈوبنے کی دہلیز پرپہنچ جائے گی۔
بھارت ایکسپریس۔
