سماجوادی پارٹی کے سینئر لیڈر شیوپال سنگھ یاددو۔ (فائل فوٹو)
UP Lok Sabha Election 2024: اترپردیش میں لوک سبھا الیکشن کے پیش نظرمانا جا رہا ہے کہ راشٹریہ لوک دل (آرایل ڈی)، سماجوادی پارٹی اورانڈیا الائنس کا ساتھ چھوڑ سکتے ہیں۔ ذرائع کا دعویٰ ہے کہ وہ جینت چودھری کی قیادت والی پارٹی آرایل ڈی اب بی جے پی کی قیادت والی این ڈی اے میں شامل ہوسکتی ہے۔ اس درمیان سماجوادی پارٹی کے سینئر لیڈر اور اکھلیش یادو کے چچا شیو پال یادو نے نیا دعویٰ کردیا ہے۔ انہوں نے کہا ہے کہ جینت چودھری کہیں نہیں جا رہے ہیں۔
شیو پال یادو نے کہا کہ میں جینت چودھری کو بہت اچھی طرح سے جانتا ہوں۔ وہ سیکولرلوگ ہیں۔ بی جے پی صرف گمراہ کر رہی ہے۔ وہ (آرایل ڈی) انڈیا الائنس میں بنے رہیں گے اوربی جے پی کو ہرائیں گے۔
#WATCH | On Rashtriya Lok Dal (RLD) Samajwadi Party leader Shivpal Yadav in UP’s Lucknow says,” I know Jayant (Singh) very well. They are secular people. BJP is only misleading using the media. They (RLD) will remain in the INDIA alliance and defeat the BJP.” pic.twitter.com/S38kUzpZK4
— ANI UP/Uttarakhand (@ANINewsUP) February 7, 2024
مانا جا رہا ہے کہ آرایل ڈی سربراہ جینت چودھری اکھلیش یادو کی تجویزسے ناراض ہیں۔ اکھلیش یادوکی تجویز ہے کہ آرایل ڈی سات سیٹیں لے، لیکن ان میں سے 4 سیٹوں پرسماج وادی پارٹی کے امیدوارآرایل ڈی کے انتخابی نشان پرالیکشن لڑیں گے۔ اس سے متعلق جاٹوں اورکارکنان کی طرف سے جینت چودھری پرکانگریس سے اتحاد توڑنے کا بڑا دباؤ ہے۔ ذرائع کے مطابق اگر آر ایل ڈی این ڈی اے میں شامل ہوتی ہے تو وہ دوسیٹوں پرالیکشن لڑ سکتی ہے۔ باغپت اورمتھرا سیٹیں آرایل ڈی کودی جا سکتی ہیں۔ راجیہ سبھا کی بھی ایک سیٹ آرایل ڈی کو دی جا سکتی ہے۔ 2019 کے لوک سبھا انتخابات میں راشٹریہ لوک دل نے تین سیٹوں پرالیکشن لڑا تھا اوراس کا کھاتہ بھی نہیں کھلا تھا۔ اس الیکشن میں ایس پی اورآرایل ڈی کے درمیان اتحاد تھا۔ 2022 کے اسمبلی انتخابات میں بھی ایس پی اورآرایل ڈی ایک ساتھ تھے۔ اس الیکشن میں آرایل ڈی نے 33 سیٹوں پرالیکشن لڑا اور9 سیٹوں پرجیت حاصل کی۔
جینت نے بی جے پی لیڈروں سے کی ملاقات
مغربی یوپی کے سیاسی حالات کی بات کریں تویہاں لوک سبھا کی 27 سیٹیں ہیں۔ ان میں سے بی جے پی نے 19، ایس پی نے 4 اور بی ایس پی نے 4 سیٹیں جیتیں۔ ذرائع کا دعویٰ ہے کہ جینت چودھری بی جے پی کے ساتھ اتحاد کے لئے بات چیت کررہے ہیں۔ دعویٰ کیا جا رہا ہے کہ بی جے پی اورآرایل ڈی کے درمیان 3 سے 4 سیٹوں پربات چیت چل رہی ہے۔ جب بھی آرایل ڈی-بی جے پی بات چیت رسمی ہوتی ہے، آرایل ڈی انڈیا الائنس چھوڑنے کا اعلان کرسکتی ہے۔
بھارت ایکسپریس۔
