جے پور سلسلہ وار بم دھماکوں کے زندہ بم کیس میں چار دہشت گردوں کو عمر قید کی سزا سنائی گئی ہے۔ جے پور کی خصوصی عدالت نے سیف الرحمان،محمد سیف، محمد سرور اعظمی اور شہباز احمد کو قصوروار پایا اور منگل (8 اپریل) کو سزا کا اعلان کیا۔ عدالت نے 600 صفحات میں فیصلہ سنایا ہے۔13مئی 2008 کو جے پور میں ایک سلسلہ وار دھماکے کا واقعہ پیش آیاتھا۔ جے پور میں یکے بعد دیگرے آٹھ بم دھماکے ہوئے ہوئے تھے۔ چاند پول بازار میں ایک مندر کے قریب سے ایک زندہ بم ملا تھا جسے بعد میں ناکارہ بنا دیا گیا۔ اس سلسلہ وار بم دھماکے میں 71 لوگوں کی جانیں گئیں تھیں۔
#WATCH | Rajasthan: A special court in Jaipur awards life imprisonment to all four accused – Shahbaz Hussain, Sarwar Azmi, Mohammad Saif, and Saifur Rahman in the 2008 Jaipur serial bomb blast.
(Visuals from Special Court in Jaipur) https://t.co/TuYDre8FBu pic.twitter.com/ufaE26l03E
— ANI (@ANI) April 8, 2025
واضح رہے کہ ان چاروں کو جے پور بم دھماکوں سے متعلق آٹھ مختلف مقدمات میں موت کی سزا سنائی گئی تھی۔ بعد ازاں راجستھان ہائی کورٹ نے مارچ 2023 میں سب کو بری کر دیا۔ 17 سال پرانے کیس میں استغاثہ نے 112 گواہوں کے بیانات قلمبند کیے اور عدالت میں تقریباً 1200 دستاویزات پیش کیے۔عدالت میں چاند پول سے نویں زندہ بم سے متعلق کیس کی الگ سے سماعت ہوئی۔ 4 اپریل 2025 کو جے پور کی خصوصی عدالت نے چار ملزمان کو مجرم قرار دیا۔ 13 مئی 2008 کی شام تقریباً 7:30 بجے دارالحکومت جے پور میں شہر کے پرہجوم علاقوں میں آٹھ دھماکے ہوئے تھے۔ اس دھماکے میں 185 سے زائد افراد زخمی بھی ہوئے تھے۔ دھماکے جوہری بازار، سنگانیری گیٹ، چاندپول بازار اور تریپولیہ بازار جیسے مصروف مقامات پر ہوئے تھے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
