وزیر اعظم نریندر مودی نے ہفتہ کو ہریانہ کے نوح میں پیش آئے سڑک حادثے پر دکھ کا اظہار کیا ہے۔ انھوں نے زخمیوں کی جلد صحت یابی کی خواہش کی۔ واضح رہے کہ نوح میں صبح 10 بجے کے قریب ایک تیز رفتار پک اپ وین نے صفائی ملازمین کو ٹکر مار دی جس کے نتیجے میں 6 افراد ہلاک اور 5 شدید زخمی ہو گئے۔
وزیر اعظم کے دفتر نے سوشل میڈیا پلیٹ فارم X پر وزیر اعظم کا حوالہ دیتے ہوئے لکھا ’’ہریانہ کے نوح میں حادثہ انتہائی دل دہلا دینے والا ہے۔ میری تعزیت سوگوار خاندانوں کے ساتھ ہے۔ ایشور انھیں اس مشکل وقت میں طاقت عطا کرے۔ میں حادثے میں زخمی ہونے والوں کی جلد صحت یابی کے لیے دعا گو ہوں۔ ریاستی حکومت راحت اور بچاؤ کے لیے ہر ممکن کوشش کر رہی ہے۔‘‘
ایک دل دہلا دینے والا سانحہ
آپ کو بتا دیں کہ ہریانہ کے میوات ضلع میں واقع دہلی-ممبئی ایکسپریس وے پر ہفتہ کی صبح ایک بڑا سڑک حادثہ پیش آیا۔ یہ المناک حادثہ فیروز پور جھرکہ تھانے کی حدود میں ابراہیم باس گاؤں کے قریب پیش آیا، جس میں 11 صفائی ملازمین متاثر ہوئے۔ وہ سب ایکسپریس وے کی صفائی کر رہے تھے۔ تیز رفتار پک اپ گاڑی نے صفائی ملازمین کو اچانک ٹکر مار دی جس سے 6 کارکن موقع پر ہی اپنی جان گنوا بیٹھے اور 5 شدید زخمی ہو گئے ہیں۔
حادثے کی اطلاع ملتے ہی مقامی لوگ موقع پر پہنچ گئے اور پولیس کو اطلاع دی۔ انھوں نے زخمیوں کو اسپتال لے جانے میں بھی مدد کی۔ زخمیوں کو فوری طور پر قریبی اسپتال لے جایا گیا۔ تصادم اتنا شدید تھا کہ کئی ملازمین دور دور تک جا گرے اور موقع پر ہی دم توڑ گئے۔ سڑک پر خون کے دھبے اور مسخ شدہ لاشیں دیکھ کر لوگ حیران رہ گئے۔
تحقیقات جاری ہیں
حادثے کے بعد ایکسپریس وے پر جام لگ گیا، جس پر قابو پانے کے لیے پولیس کو کافی محنت کرنا پڑی۔ انتظامیہ نے فوری طور پر ٹریفک کو موڑ کر معمول پر لانے کی کوشش کی۔ پولیس نے زخمیوں کو اسپتال منتقل کرنے کے بعد واقعے کی تفتیش شروع کردی ہے۔ پولیس کا کہنا ہے کہ حادثے میں ہلاک ہونے والے ملازمین کی شناخت کا عمل جاری ہے۔ سی سی ٹی وی فوٹیج اور عینی شاہدین کے بیانات کی بنیاد پر پک اپ گاڑی کے ڈرائیور کی تلاش کی جارہی ہے اور واقعے کی تحقیقات کی جارہی ہیں۔ ڈرائیور کے خلاف قانونی کارروائی شروع کر دی گئی ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
