دہلی کے وزیر اعلیٰ اروند کیجریوال نے مہاراشٹر کے سابق وزیراعلیٰ ادھو ٹھاکرے سے ملاقات کی۔ (Image Source : ANI)
Lok Sabha Election 2024: دہلی کے وزیراعلیٰ اروند کیجریوال (Arvind Kejriwal) نے جمعہ کے روز (24 فروری) کو ممبئی میں ادھو ٹھاکرے (Uddhav Thackeray) سے ملاقات کی۔ اروند کیجریوال مہاراشٹر کے سابق وزیراعلیٰ سے ملنے کے لئے ماتوشری پہنچے۔ اروند کیجریوال کے ساتھ پنجاب کے وزیراعلیی بھگونت مان، عام آدمی پارٹی کے راجیہ سبھا اراکین پارلیمنٹ سنجے سنگھ اور راگھو چڈھا بھی موجود رہے۔ دونوں لیڈران کے درمیان 2024 کے لوک سبھا الیکشن (Lok Sabha Election 2024) میں اپوزیشن کو ایک ساتھ لانے سے متعلق تبادلہ خیال ہوا۔
اس میٹنگ کے بعد اروند کیجریوال نے کہا کہ ادھو ٹھاکرے سے ملاقات ہوئی ہے۔ بہت دنوں سے ادھو ٹھاکرے اور آدتیہ ٹھاکرے سے ملنے کی خواہش تھی۔ ہم لوگ اس رشتے کو آگے لے کر جائیں گے۔ ادھو جی شیر کے بیٹے ہیں۔ مجھے امید ہے کہ ادھو ٹھاکرے کو انصاف ملے گا۔ ملک کے کئی موضوعات پرتبادلہ خیال ہوا ہے۔ ہم اس رشتے کو آگے لے کر جائیں گے۔
AAP national convener and Delhi CM Arvind Kejriwal, Punjab CM Bhagwant Mann and party MP Raghav Chadha met Uddhav Thackeray in Mumbai today. pic.twitter.com/c2TUOHiRyz
— ANI (@ANI) February 24, 2023
‘بی جے پی صرف غنڈہ گردی کرتی ہے’
مرکزی حکومت پر تنقید کرتے ہوئے اروند کیجریوال نے کہا کہ بی جے پی صرف غنڈہ گردی کرتی ہے۔ ای ڈی اور سی بی آئی کا استعمال بزدل لوگ کرتے ہیں۔ دہلی کے عوام نے ایم سی ڈی میں ہمیں اکثریت دی۔ اسٹینڈنگ کمیٹی میں ہم لوگوں کی اکثریت ہے۔ اس ملک میں ایک پارٹی صرف الیکشن کے بارے میں سوچتی ہے۔
اس دوران ادھو ٹھاکرے کے بیٹے اورمہاراشٹر کے سابق وزیرآدتیہ ٹھاکرے بھی موجود رہے۔ ذرائع کے حوالے سے خبر ہے کہ اس میٹنگ میں کانگریس کو ساتھ لے کر کیسے اتحاد کو مضبوط کیا جاسکتا ہے، اس پر تبادلہ خیال ہوا ہے۔ واضح رہے کہ مارچ کے مہینے کے آخر میں ادھو ٹھاکرے اپوزیشن لیڈران کی ایک بڑی ریلی ممبئی میں منعقد کرنے کی تیاری میں ہیں۔
#WATCH | When asked about Ajnala incident, Punjab CM Bhagwant Mann says, “You have wrong info. Law & order in Punjab under control. Punjab Police is capable. Bullets were fired at social bonding in Punjab for 10 yrs. But people want to live together. Ours is a peaceful state…” pic.twitter.com/DogMwb1H1u
— ANI (@ANI) February 24, 2023
ایکناتھ شندے کو ملی شیو سینا
الیکشن کمیشن نے حال ہی میں ایکناتھ شندے گروپ کو اصلی شیو سینا مانا تھا اور تیر کمان کا انتخابی نشان بھی الاٹ کیا تھا۔ اس فیصلے کے بعد مہاراشٹر کی سیاست میں ہلچل مچ گئی۔ ادھو ٹھاکرے گروپ نے الیکشن کمیشن کے فیصلے پر ناراضگی ظاہر کرتے ہوئے سپریم کورٹ کا دروازہ کھٹکھٹایا ہے۔ ادھو ٹھاکرے نے کہا تھا کہ ان کا سب کچھ چرا لیا گیا۔ وہیں ایکناتھ شندے نے الیکشن کمیشن کے فیصلے پر خوشی ظاہر کرتے ہوئے اسے جمہوریت کی جیت قرار دیا تھا۔
