تیج پرتاپ اسپتال میں داخل (فوٹو اے این آئی)
Tej Pratap Yadav: بہار حکومت میں جنگلات اور ماحولیات کے وزیر اور آر جے ڈی سپریمو لالو یادو کے بڑے بیٹے تیج پرتاپ کی گزشتہ شب دیر رات اچانک طبیعت خراب ہو گئی، جس کی وجہ سے انہیں اسپتال میں داخل کرایا گیا ہے۔ سینے میں اچانک درد کی شکایت کے بعد انہیں پٹنہ کے میڈیورسل اسپتال میں داخل کرایا گیا ہے۔ وہ اس وقت آئی سی یو میں ہیں اور ڈاکٹروں کی نگرانی میں زیر علاج ہیں۔ اسپتال میں داخل ہونے کے بعد ان کی کچھ تصاویر اور ویڈیوز سوشل میڈیا پر سامنے آئی ہیں۔ جس میں وہ بستر پر لیٹے ہیں اور ڈاکٹروں سے بات کر رہے ہیں۔
۔تیج پرتاپ یادو کو سینے میں شدید درد کے بعد اسپتال میں کرانا پڑا داخل
۔ڈاکٹر کا کہنا ہے کہ دل کے کسی مسئلے کی وجہ سے نہیں ہے درد
۔موبائل استعمال کرتے ہوئے وزیر تیج پرتاپکے سینے میں اٹھا تھا درد
Bihar Minister and RJD leader Tej Pratap Yadav admitted to Mediversal Hospital in Patna after he complained of chest pain. Details awaited. pic.twitter.com/fdC4eRXC2c
— ANI (@ANI) July 19, 2023
اسی دوران بہار کے وزیر اعلیٰ نتیش کمار ان سے ملنے رابڑی ہاؤس پہنچے۔ جہاں انہوں نے لالو اور تیجسوی یادو سے ملاقات کی۔ ساتھ ہی ان کی ملاقات کے بارے میں یہ بھی خبر ہے کہ دونوں کے درمیان کابینہ کے حوالے سے بات چیت ہوئی ہے۔
یہ بھی پڑھیں: دو خواتین کو برہنہ کرکے سڑک پر گھمایا، ویڈیو وائرل ہونے کے بعد کئی علاقوں میں پھیلی کشیدگی
I.N.D.I.A پر تیج پرتاپ نے کیا کہا
تیج پرتاپ یادو نے اس سے پہلے نیوز ایجنسی این آئی سے بات کرتے ہوئے اپوزیشن اتحاد کے نام INDIA پر کہا، ”کیا ہم باہر کے لوگ ہیں؟ ہم انڈیا کے ہیں، انڈیا کے ہیں تو نام بھی I.N.D.I.A. ہی ہوگا۔ این ڈی اے کی میٹنگ سے ہمیں کوئی مطلب نہیں ہے۔ وہ تو ملک کو لوٹ رہے ہیں۔ اس نے کسانوں کا پیسہ سرمایہ داروں کو دینے کا کام کیا ہے۔ وہ میٹنگ کر کے کیا کر لیں گے؟
یہ بھی پڑھیں: اسکون پل پر ہولناک حادثہ، بھیڑ کو روندتی چلی گئی جیگوار، 9 افراد ہلاک، 15 سے زائد زخمی
بھارت ایکسپریس۔
