منی پور تشدد۔ فائل فوٹو
Manipur Violence: منی پور حکومت کی جانب سے بدھ کے روز کہا گیا کہ اس نے امن و سلامتی میں کسی بھی طرح کے خلل کو روکنے کے لیے ریاست میں انٹرنیٹ خدمات کی معطلی میں پانچ دن کی توسیع کر دی ہے۔ اب منی پورمیں انٹرنیٹ خدمات 10 جولائی کی دو پہر 3 بجے تک معطل رہیں گی۔ یہاں بتاتے چلیں کہ حکام نے 3 مئی کو نسلی طبقات کے درمیان جھڑپیں شروع ہونے کے بعد پہلی بار ریاست میں انٹرنیٹ خدمات پر پابندی لگائی تھی۔ اس میں وقتاً فوقتاً توسیع ہوتی رہتی ہے۔
سماج دشمن عناصر سوشل میڈیا کا کر سکتے ہیں استعمال
ہوم کمشنر ٹی رنجیت سنگھ کی طرف سے جاری کردہ ایک بیان میں کہا گیا ہے کہ ’’اس بات کا خدشہ ہے کہ کچھ سماج دشمن عناصر سوشل میڈیا کا بڑے پیمانے پر استعمال کرتے ہوئے تصاویر، نفرت انگیز تقاریر اور عوامی جذبات کو بھڑکانے والے ویڈیو پیغامات کو پھیلا سکتے ہیں‘‘۔ جس کا امن و سلامتی کی صورتحال پر سنگین اثر پر سکتا ہے۔
मणिपुर सरकार ने राज्य में इंटरनेट सेवाओं पर प्रतिबंध 10 जुलाई 2023 को 3 बजे तक के लिए बढ़ा दिया है। pic.twitter.com/AOpBgiVTB6
— ANI_HindiNews (@AHindinews) July 5, 2023
یہ بھی پڑھیں: جھارکھنڈ کے تبریز انصاری لنچنگ کیس میں آیا کورٹ کا فیصلہ، سبھی 10 قصورواروں کو 10 سال کی سزا
اب تک تقریباً 120 افراد کی جا چکی ہے جان
واضح رہے کہ ریاست میں میتی اور کوکی طبقوں کے درمیان جھڑپوں میں تقریباً 120 افراد اپنی جانیں گنوا چکے ہیں اور 3000 سے زیادہ زخمی ہو چکے ہیں۔ آپ کو بتا دیں کہ پہلی مرتبہ تشدد 3 مئی کو اس وقت شروع ہوا تھا جب میتی کمیونٹی کے درج فہرست قبائل کا درجہ دینے کے مطالبے کے خلاف ریاست کے پہاڑی اضلاع میں ایک ‘قبائلی یکجہتی مارچ’ کا انعقاد کیا گیا تھا۔
یہ بھی پڑھیں: آدیواسی کے چہرے پر پیشاب کرنے والے پرویش شکلا کا گھر بلڈوزر سے منہدم، سیدھی میں ایسے ہوئی کارروائی
منی پور میں میتی کمیونٹی کی آبادی تقریباً 53 فیصد
منی پور کی آبادی میتی کمیونٹی کے تقریباً 53 فیصد پر مشتمل ہے اور وہ زیادہ تر وادی امپھال میں رہتے ہیں۔ قبائلی ناگا اور کوکی آبادی کا 40 فیصد ہیں اور پہاڑی اضلاع میں رہتے ہیں۔
یہ بھی پڑھیں: تیستا سیتلواڑ کی گرفتاری پر آئندہ حکم تک روک، 19 جولائی کو ہوگی سماعت
بھارت ایکسپریس۔
