دہلی کے سابق وزیر اعلیٰ اروند کیجریوال نے آر ایس ایس سربراہ موہن بھاگوت کو خط لکھا ہے۔
نئی دہلی: عام آدمی پارٹی کے نیشنل کنوینراروند کیجریوال نے آرایس ایس سربراہ موہن بھاگوت کو خط لکھا ہے۔ کیجریوال نے خط کے ذریعہ آرایس ایس سربراہ موہن بھاگوت سے کئی سوال پوچھے ہیں۔ انہوں نے بی جے پی سے متعلق موہن بھاگوت سے سوال کئے ہیں۔ دہلی اسمبلی الیکشن قریب ہے اورعام آدمی پارٹی سے لے کرکانگریس اوربی جے پی سبھی پارٹیاں الیکشن کی تیاریوں میں مصروف ہیں۔ راجدھانی میں جیت درج کرنے کے لئے سبھی ایڑی-چوٹی کا زور لگا رہے ہیں۔
حالانکہ ابھی تک دہلی اسمبلی الیکشن کی تاریخوں کا اعلان نہیں ہوا ہے، لیکن آئندہ ہفتے الیکشن کمیشن کی طرف سے اس کا باضابطہ اعلان کیا جاسکتا ہے۔ امید کی جارہی ہے کہ فروری کے دوسرے ہفتے میں دہلی میں ووٹنگ ہوسکتی ہے۔ اسی درمیان عام آدمی پارٹی اوربی جے پی کے درمیان الزام تراشی اورجوابی الزام تراشی کا سلسلہ جاری ہے اورووٹرلسٹ سے متعلق دونوں کے درمیان جنگ چھڑی ہوئی ہے۔ اروند کیجریوال نے اب موہن بھاگوت کوخط لکھ کرالیکشن سے متعلق سوال پوچھ لئے ہیں، جو کافی سرخیوں میں ہے۔
AAP Convenor Arvind Kejriwal writes to RSS Chief Mohan Bhagwat
“Whatever wrong BJP has done in the past, does RSS support it? BJP leaders are openly distributing money, does RSS support buying votes? Dalit and Purvanchali votes are being cut on a large scale, does RSS think this… pic.twitter.com/GjGaFfCxeA
— ANI (@ANI) January 1, 2025
کیجریوال نے کیا سوال پوچھے؟
پہلا سوال- اروند کیجریوال نے موہن بھاگوت سے پوچھا کہ بی جے پی نے گزشتہ دنوں میں جو بھی غلط کیا، آرایس ایس اس کی حمایت کرتی ہے؟
دوسرا سوال- بی جے پی کے لیڈر کھل کرپیسے بانٹ رہے ہیں، کیا آرایس ایس ووٹ خریدنے کی حمایت کرتی ہے؟
تیسرا سوال- بڑے پیمانے پر دلت، پروانچلی کے ووٹ کاٹے جا رہے ہیں، کیا آرایس ایس کو لگتا ہے کہ یہ جمہوریت کے لئے صحیح ہے؟
چوتھا سوال- کیا آرایس ایس کو نہیں لگتا کہ بی جے پی جمہوریت کو کمزور کررہی ہے؟
کیجریوال نے بی جے پی پرلگائے الزام
اروند کیجریوال اور بی جے پی ایک دوسرے پر ووٹرلسٹ سے متعلق الزام لگا رہے ہیں۔ اروند کیجریوال نے اس سے پہلے کہا کہ بی جے پی دہلی میں ووٹ کٹوا رہی ہے۔ جو صحیح رائے دہندگان ہیں، ان کے ووٹ کاٹنے کی سازش کی جا رہی ہے۔ ساتھ ہی سابق وزیراعلیٰ نے الزام لگاتے ہوئے کہا کہ میرے نئی دہلی اسمبلی حلقہ میں ان کا (بی جے پی کا) آپریشن لوٹس 15 دسمبر سے چل رہا ہے۔ ان 15 دنوں میں انہوں نے تقریباً 5000 ووٹوں کو ڈیلیٹ کرنے اور 7500 ووٹوں کو جوڑنے کے لئے درخواست دی گئی ہے۔
بھارت ایکسپریس۔
