عام آدمی پارٹی کی راجیہ سبھا رکن سواتی مالیوال نے مارپیٹ معاملے کے بعد پہلی بار انٹرویو دیا ہے۔
عام آدمی پارٹی کی راجیہ سبھا رکن پارلیمنٹ اوردہلی خواتین کمیشن کی سابق چیئرپرسن سواتی مالیوال نے کہا کہ میں کسی کو بھی کلین چٹ نہیں دے رہی ہوں، جس وقت میرے ساتھ مارپیٹ ہوئی، دہلی کے وزیراعلیٰ اروند کیجریوال گھرمیں موجود تھے۔ انہوں نے ویبھو کمارنے میرے ساتھ مارپیٹ کی، مجھے بری طرح سے گھسیٹا اور چلانے کے بعد بھی مجھے مدد نہیں ملی۔
سواتی مالیوال نے اس سانحہ کے بعد پہلی بارانٹرویودیا ہے۔ نیوزایجنسی اے این آئی سے بات چیت میں انہوں نے کہا کہ وہ 13 مئی کوصبح تقریباً 9 بجے وزیراعلیٰ اروند کیجریوال سے ملاقات کرنے ان کی رہائش گاہ پرپہنچی تھی، وہاں پر اسٹاف نے ڈرائننگ روم میں بٹھایا۔ اسی وقت ویبھو کماروہاں پرآتے ہیں، انہوں نے ہاتھ چھوڑ دیا۔ انہوں نے 8-7 تھپڑمارے۔ جب میں نے انہیں دھکا دینے کی کوشش کی تو انہوں نے میرا پیر پکڑلیا۔ مجھے نیچے گھسیٹ دیا۔
EP-179 with Swati Maliwal | Full Interview to be played out at 4 pm to all ANI agency subscribers. (Digital rights cleared)
“Not giving clean-chit to anyone…Kejriwal was at home…” Swati Maliwal recounts her ordeal of May 13#ANIpodcast #SwatiMaliwal #ArvindKejriwal #AAP pic.twitter.com/ZJQPIBwzcZ
— ANI (@ANI) May 23, 2024
سواتی مالیوال نے کہا، “میرا سرٹیبل سے ٹکرا گیا۔ میں نیچے گرگئی۔ پھرانہوں نے مجھے لاتوں سے مارنا شروع کیا۔ میں بہت زور سے چلائی، لیکن کوئی مدد کے لئے نہیں آیا۔” انہوں نے جذباتی ہوتے ہوئے کہا، “میں نے یہ نہیں سوچا کہ میرا کیا ہوگا۔ میرے کیریئر کا کیا ہوگا۔ میرے ساتھ یہ لوگ کیا کریں گے۔ میں نے صرف یہ سوچا کہ جو چیز میں نے ساری خواتین کو بولی ہے کہ آپ ہمیشہ سچ کے ساتھ کھڑے رہو… آپ کے ساتھ کچھ غلط ہوا ہے تو ضرور لڑو تو آج میں خود کیسے نہیں لڑسکتی۔”
