گاندھی اور واڈرا خاندان نےچکھا چوالے بھٹورے کا ذائقہ۔
نئی دہلی: پارلیمنٹ کا سرمائی اجلاس ختم ہونے کے بعد گاندھی خاندان اب ایک ساتھ وقت گزار رہا ہے۔ کانگریس کی سینئر لیڈر سونیا گاندھی، لوک سبھا میں قائد حزب اختلاف راہل گاندھی اور ایم پی پرینکا گاندھی واڈرا نے اتوار کے روز قومی دارالحکومت دہلی کے ایک کووالیٹی ریستوراں میں اپنے خاندان کے ساتھ کھانے کا لطف اٹھایا۔
قائد حزب اختلاف راہل گاندھی نے اپنے انسٹاگرام اکاؤنٹ پر لنچ سے متعلق کچھ تصاویر شیئر کی ہیں۔ ان تصویروں میں سونیا گاندھی، راہل گاندھی، پرینکا گاندھی واڈرا اور رابرٹ واڈرا لنچ کرتے نظر آ رہے ہیں۔ اس کے علاوہ پرینکا اور رابرٹ واڈرا کی بیٹی میرایا واڈرا بھی تصویر میں نظر آ رہی ہیں
گاندھی اور واڈرا خاندان نے کووالیٹی ریستوراں میں چھولے بھٹورےکھائے اور اس کی تصاویر بھی انسٹاگرام اکاؤنٹ پر شیئر کیں۔ تصویر شیئر کرتے ہوئے راہل گاندھی نے لکھا، ’’ایک کووالیٹی ریستوراں میں فیملی کے ساتھ لنچ۔ اگر آپ جائیں تو چھولے بھٹورے کا مزہ ضرور چکھیں۔‘‘
View this post on Instagram
اس سے قبل لوک سبھا میں قائد حزب اختلاف اور کانگریس کے رکن پارلیمنٹ راہل گاندھی کو اپنی بہن پرینکا گاندھی واڈرا کے ساتھ کرسمس کی تقریب میں دیکھا گیا تھا۔ کانگریس کے رکن پارلیمنٹ ششی تھرور نے بھی راہل گاندھی کے ساتھ پروگرام میں شرکت کی۔ کرسمس کی تقریب کا اہتمام انڈین کرسچن پارلیمنٹرین کونسل نے کیا تھا۔
بھارت ایکسپریس۔
