علامتی تصویر۔
Jammu and Kashmir Kulgam Terrorist Encounter: جنوبی کشمیر واقع کلگام کے ڈی ایچ پورا میں سیکورٹی اہلکاروں نے تین دہشت گردوں کو مارگرایا ہے۔ ذرائع کی مانیں تو ابھی بھی علاقے میں دواوردہشت گرد پھنسے ہوئے ہیں۔ فی الحال دونوں طرف سے گولی باری جاری ہے۔ ابھی تک دہشت گردوں کی لاش برآمد نہیں ہوئی ہے۔ واضح رہے کہ فوج کو علاقے میں دہشت گردوں کے پوشیدہ ہونے کی اطلاع ملنے پرکل دوپہر میں سرچ آپریشن چلایا تھا۔ اس کے بعد اچانک دہشت گردوں نے گولی باری شروع کردی تھی۔ اس کے بعد سے آپریشن جاری تھا۔
افسران نے بتایا کہ جنوبی کشمیر کے کلگام میں ڈی ایچ پورا علاقے میں رات کی امن کے بعد دہشت گردوں اور سیکورٹی اہلکاروں کے درمیان گولی باری پھر سے شروع ہوگئی۔ ایک اعلیٰ پولیس افسر نے کہا کہ آپریشن پوری رات ملتوی رہا اورآج صبح طلوع آفتاب کے ساتھ پھر سے شروع کردیا گیا ہے۔ کل علاقے میں دہشت گردوں کی موجودگی کے بارے میں خصوصی اِن پُٹ ملنے کے بعد سمنو میں دہشت گردوں کے ایک گروپ اور سیکورٹی اہلکاروں کی مشترکہ ٹیم کے درمیان خطرناک گولی باری ہوئی۔
#UPDATE कुलगाम में जारी मुठभेड़ में लश्कर-ए-तैयबा के 3 आतंकवादी मारे गए। ऑपरेशन जारी है। https://t.co/VYumUtwa6r
— ANI_HindiNews (@AHindinews) November 17, 2023
13 ستمبر کو شہید ہوئے تھے فوج کے 5 جوان
واضح رہے کہ جموں وکشمیر میں گزشتہ ماہ عیدگاہ علاقے میں دہشت گردوں نے پولیس انسپکٹرکی تین گولیاں مارکرشہید کردیا تھا۔ انسپکٹر کی شناخت مسرورعلی وانی کے طورپر ہوئی تھی۔ اس حملے کی ذمہ داری ٹی آرپی ایف نے لی تھی۔ جب حملہ ہوا تب انسپکٹرمقامی نوجوانوں کے ساتھ کرکٹ کھیل رہے تھے۔ جموں وکشمیر میں 13 ستمبرکو ہوئے دہشت گردانہ حملے میں تین افسر اور دو جوان شہید ہوگئے تھے۔ دہشت گردوں نے سیکورٹی اہلکاروں پراس وقت گولی چلائی جب وہ سرچ آپریشن چلا رہے تھے۔
-بھارت ایکسپریس
