وزیر اعظم نریندر مودی نے اپنے بنکاک، تھائی لینڈ کا دورے پر تھائی وزیر اعظم پیتونگترن شیناواترا کے ساتھ وفود کی سطح پر بات چیت کی۔ دونوں رہنماؤں نے تجارت، سیکورٹی اور ثقافتی تبادلوں سمیت متعدد شعبوں میں تعاون کو تقویت دیتے ہوئے ہندوستان-تھائی لینڈ تعلقات کو اسٹریٹجک شراکت داری تک بڑھانے پر اتفاق کیا۔
زلزلہ متاثرین کے لیے تعزیت
اپنے مشترکہ پریس بیان کے دوران وزیر اعظم مودی نے تھائی لینڈ میں 28 مارچ کے زلزلے کے متاثرین کے تئیں گہری ہمدردی کا اظہار کیا۔ ہندوستانی عوام کی جانب سے تعزیت پیش کرتے ہوئے انھوں نے زخمیوں کی جلد صحت یابی کی خواہش کی اور ہندوستان کی حمایت کا یقین دلایا۔ پی ایم مودی نے ہندوستان اور تھائی لینڈ کے درمیان صدیوں پرانے ثقافتی اور روحانی تعلقات کو اجاگر کیا اور تھائی روایات میں بدھ مت اور رامائن کے اثر پر زور دیا۔
ہندوستان اور تھائی لینڈ کے مشترکہ ورثے کو مزید روشن کرتے ہوئے تھائی حکومت نے ایک یادگاری ڈاک ٹکٹ جاری کیا جو 18ویں صدی کی رامائن کی دیواری پینٹنگز پر مبنی ہے۔ وزیر اعظم نے اس کے لیے تھائی حکومت کا شکریہ ادا کیا ہے۔
دوطرفہ تعاون کو مضبوط بنانا
دونوں رہنماؤں نے ہندوستان کی ایکٹ ایسٹ پالیسی کے ساتھ ہم آہنگ، آزاد، کھلے، اور جامع ہند-بحرالکاہل کی اہمیت پر زور دیا۔ پی ایم مودی نے توسیع پسندی پر ترقی کے لیے ہندوستان کے عزم کا اعادہ کیا اور دونوں ممالک کی سیکیورٹی ایجنسیوں کے درمیان اسٹریٹجک ڈائیلاگ کے قیام کا اعلان کیا۔ خیر سگالی کا اظہار کرتے ہوئے تھائی وزیر اعظم شناوترا نے وزیر اعظم مودی کو ’’ولڈ ٹپیٹاکا: سجّیا فونیٹک ایڈیشن‘‘ پیش کیا، جو بھگوان بدھ کی تعلیمات کا مجموعہ ہے۔ پی ایم مودی نے ‘بدھ بھومی’ انڈیا کی جانب سے ان صحیفوں کو قبول کیا اور عوامی درشن کے لیے بھگوان بدھ کے مقدس آثار کو گجرات کے اراولی سے تھائی لینڈ منتقل کرنے کا اعلان کیا۔
BIMSTEC سربراہی اجلاس اور علاقائی مشغولیت
دو طرفہ بات چیت کے بعد وزیر اعظم مودی کو 6 ویں BIMSTEC چوٹی کانفرنس سے قبل بنکاک میں ایک رسمی گارڈ آف آنر دیا گیا۔ یہ چوٹی کانفرنس جمعہ کو ہونے والی ہے۔ یہ کانفرنس مختلف شعبوں میں خلیج بنگال کے ممالک کے درمیان علاقائی تعاون کو بڑھانے پر توجہ مرکوز کرے گا، جس سے خطے میں ہندوستان کی قیادت کو تقویت ملے گی۔ اس درمیان ہندوستان اور تھائی لینڈ نے تجارتی، دفاعی اور ثقافتی تبادلوں میں تعاون کو مضبوط کرتے ہوئے اپنے تعلقات کو ایک اسٹریٹجک شراکت داری تک بڑھا دیا ہے۔ دونوں ممالک کے رہنماؤں نے سائبر جرائم سے نمٹنے اور دوطرفہ سیکورٹی کوآرڈینیشن کو بہتر بنانے کے اقدامات پر بھی تبادلہ خیال کیا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
