غزہ کی پٹی پر حماس کا کنٹرول ختم- اسرائیلی وزیر دفاع نے کیا دعویٰ
Israel-Palestine Conflict: اسرائیل کے ذریعہ غزہ میں چھپے حماس کے دہشت گردوں کو ختم کرنے کی وارننگ اورحملوں کے درمیان غزہ سے لوگ بھاگ رہے ہیں۔ لوگوں کے گاڑیوں پرسامان لادکر بھاگنے کا ویڈیو سامنے آیا ہے۔ اسرائیل-فلسطین کی مزاحمت کار تنظیم حماس کے درمیان جاری جنگ کے درمیان اسرائیل نے غزہ کے لوگوں کو 24 گھنٹے کے اندر وہاں سے دوسرے مقامات پر جانے کا الٹی میٹم دیا تھا۔ اس کے بعد سے لوگ جان بچانے کے لئے غزہ کو چھوڑ کردوسرے مقامات پر جا رہے ہیں۔ اسرائیل نے غزہ پٹی پر پرچے بھی گرائے گئے ہیں۔
اسرائیل کی طرف سے غزہ میں گرائے گئے پرچے میں لکھا ہوا ہے، ’’24 گھنٹے میں غزہ میں رہنے والے فلسطینی عوام وہاں سے دوسری جگہ شفٹ ہوجائیں۔ وہاں رہنے والے لوگ ان کے دشمن نہیں ہیں، وہ صرف حماس کو ختم کرنا چاہتے ہیں۔’’ اسرائیل کی اس وارننگ کے بعد غزہ کے لوگ مجبوراً اپنا گھربار چھوڑ کر دوسری جگہ جا رہے ہیں۔ اس کا ایک ویڈیو بھی سامنے آیا ہے۔ اسرائیل کی وارننگ کے برخلاف حماس نے لوگوں سے اپیل کی ہے کہ وہ غزہ چھوڑ کر نہ جائیں، جہاں وہیں، وہیں بنے رہیں۔ کسی سے ڈرنے کی ضرورت نہیں ہے۔
صحافی نے شیئر کیا ویڈیو
ایک صحافی نے سوشل میڈیا پرغزہ کے شہریوں کو کئی کاروں میں اپنا سامان لے جاتے ہوئے ویڈیو شیئر کیا ہے۔ لوگ کار کے روف پر کپڑے اور سامان باندھ کر لے جا رہے ہیں۔ اس ویڈیو کو ایکس (ٹوئٹر) پرفلسطینی معاملوں کے ایک رپورٹرنے شیئر کیا ہے۔ ویڈیو شمالی غزہ علاقے کا بتایا جا رہا ہے۔
Gaza |
Residents in North Gaza (Gaza City, Beit Lahia, Beit Hanoun, and Jabalia RC) are evacuating their homes in response to the Israeli military’s threat that those who stay could face deadly consequences. pic.twitter.com/ZOlU0Rg5Rj
— Younis Tirawi | يونس (@ytirawi) October 13, 2023
اسرائیل کی تین لاکھ ریزرو فورس تیار
خبروں کے مطابق دعویٰ کیا جا رہا ہے کہ فلسطینی گروپ حماس پرحملہ کرنے کے لئے اسرائیل نے تین لاکھ ریزرو فورس اور ٹینکوں کو غزہ پرحملے کے لئے تیار کیا ہے۔ اسرائیل نے غزہ میں گھس کرحماس کو تباہ کرنے اورمکمل خاتمہ کرنے کی بات کہی ہے۔ اسرائیل جلد ہی زمینی حملے بھی شروع کرنے کی بات کر رہا ہے۔
اسرائیل فوج کے ترجمان نے کیا یہ دعویٰ
اسرائیلی فوج کے ترجمان کانرکس نے مزید کہا کہ یہ حکم سیکورٹی اور دفاع کے پیش نظر ہے۔ اس نے یہ بھی کہا کہ شہری غزہ شہر میں تب تک واپس نہیں لوٹ پائیں گے جب تک کہ علاقہ کو خالی کرنے کا کوئی اعلان نہیں کیا جاتا۔ انہوں نے یہ بھی کہا کہ اسرائیل کو حفاظتی باڑکے علاقے میں نہیں جانا چاہئے۔ بعد میں غزہ پٹی کے اندرفلسطینیوں کے جنوب کی طرف بڑھتے ہوئے تصاویرسامنے آئیں۔
بھارت ایکسپریس۔
