کینیڈا کی جانب سے ہندوستانی سفارت کاروں پر خالصتانی نجر کے قتل میں ملوث ہونے کے الزام کے بعد دونوں ممالک کے درمیان کشیدگی بڑھ گئی ہے۔ تاہم بھارت نے ان الزامات کو مسترد کرتے ہوئے پیر کو کینیڈا کے 6 سفارت کاروں کو ملک بدر کرنے اور وہاں سے اپنے ہائی کمشنر کو واپس بلانے کا اعلان کیا تھا۔ دریں اثناء کینیڈا کے وزیر اعظم جسٹن ٹروڈو نے اعتراف کیا ہےکہ ان کی حکومت نے خالصتانی دہشت گرد ہردیپ سنگھ نجر کی کینیڈا کی سرزمین پر ہلاکت کے حوالے سے ہندوستان کو حقیقی ثبوت فراہم نہیں کئے۔رپورٹ کے مطابق کینیڈا کی غیر ملکی مداخلت کی انکوائری کے سامنے گواہی دینے والے ٹروڈو نے کہا کہ کینیڈا نے نجر کے قتل کا عوامی طور پر الزام لگانے سے پہلے صرف انٹیلی جنس معلومات فراہم کی تھیں، کوئی ثبوت نہیں دیا تھا۔
ٹروڈو نے کہاکہ“کینیڈا نے بھارت سے تعاون کرنے کو کہا۔ اس نے ثبوت مانگا۔ ہم نے ہندوستانی سیکورٹی ایجنسیوں سے کہا کہ وہ مزید تحقیقات کریں اور ہمارے ساتھ تعاون کریں۔ کیونکہ اس وقت ہمارے پاس خفیہ جانکاری تھی۔کینیڈین وزیر اعظم نے کہا، “میں نے جی 20کے آخر میں پی ایم مودی کے ساتھ یہ مسئلہ اٹھایا اور بتایا کہ ہم جانتے ہیں کہ ہندوستان اس میں ملوث ہے۔ انہوں نے کہا کہ کینیڈا میں بہت سے لوگ بھارتی حکومت کے خلاف بولتے ہیں اور وہ چاہتے ہیں کہ ان لوگوں کو گرفتار کیا جائے۔
Our response to media queries regarding PM of Canada’s deposition at the Commission of Inquiry: https://t.co/JI4qE3YK39 pic.twitter.com/1W8mel5DJe
— Randhir Jaiswal (@MEAIndia) October 16, 2024
ٹروڈو نے کہا کہ جب وہ جی20سربراہی اجلاس کے بعد ہندوستان سے کینیڈا واپس آئے تو یہ واضح تھا کہ ہندوستانی حکومت کا نقطہ نظر ہمیں اور ہماری جمہوریت کی سالمیت پر تنقید کرنا ہے۔ ٹروڈو حال ہی میں اس کمیٹی کے سامنے پیش ہوئے جب ہندوستان کے خلاف الزامات لگائے گئے کہ ہندوستانی سفارت کار معلومات اکٹھا کرنے اور کینیڈا میں خالصتان کی حامی تحریک کے ارکان کو نشانہ بنانے کے لیے جرائم پیشہ گروہوں کا استعمال کرنے میں ملوث تھے۔جسٹن ٹروڈو نے کمیٹی کے سامنے اپنے دعوے کو دہرایا کہ اس بات کے مصدقہ شواہد موجود ہیں کہ نجر کے قتل میں بھارتی ایجنٹ ملوث تھے۔ اس نے گینگسٹر لارنس بشنوئی کا نام بھی لیا، جسے پہلے رائل کینیڈین ماؤنٹڈ پولیس نے نجر کے قتل میں ملوث ہونے کا حوالہ دیا تھا۔ ٹروڈو نے الزام لگایا کہ ہندوستانی سفارت کار کینیڈا کے شہریوں کے بارے میں معلومات اکٹھا کر کے لارنس بشنوئی گینگ کو دے رہے ہیں۔
بھارت ایکسپریس۔
