اکشرپٹیل افغانستان کے خلاف شاندار گیند بازی کر رہے ہیں۔ (فائل فوٹو)
اس سال ہونے والے ٹی-20 ورلڈ کپ سے پہلے ٹیم انڈیا کے لئے مشکل بڑھتی جا رہی ہے۔ حالانکہ یہ مشکل ٹیم انڈیا کے لئے اچھی ہے۔ دراصل، افغانستان کے خلاف کھیلی جا رہی ٹی-20 سیریز میں اکشرپٹیل کمال کی گیند بازی کر رہے ہیں۔ اکشرپٹیل کو دوسرے میچ میں پلیئرآف دی میچ کا ایوارڈ بھی دیا گیا۔ اکشرپٹیل ٹی-20 انٹرنیشنل میں ٹیم انڈیا کے لئے رویندر جڈیجہ کا متبادل بن کرابھرے ہیں۔
افغانستان کے خلاف دوسرے ٹی-20 میچ میں اکشرپٹیل نے 4 اوور میں 17 رن خرچ کرتے ہوئے 2 وکٹ حاصل کئے۔ اکشرپٹیل ٹی-20 میچوں میں 200 وکٹ حاصل کرچکے ہیں۔ اس سے پہلے یہ ریکارڈ صرف رویندرجڈیجہ کے نام تھا۔ رویندرجڈیجہ نے ٹی-20 میں 2000 رن اور 200 وکٹ کی ڈبل سنچری مکمل کی۔ اب اس فہرست میں اکشرپٹیل کا نام بھی شامل ہوگیا ہے۔
اکشرپٹیل نے بھی اس کامیابی کے بارے میں بات کی ہے۔ اکشرپٹیل نے کہا کہ کافی بہتر لگ رہا ہے۔ ٹی-20 کرکٹ میں 200 وکٹ مل گئے ہیں۔ میری کوشش ہمیشہ ٹیم انڈیا کے لئے بہتر کرنے کی ہے۔ مجھے تو یہ یاد بھی نہیں ہے کہ گزشتہ کچھ سالوں میں کتنے وکٹ حاصل کئے ہیں۔
اکشرپٹیل کا دعویٰ بے حد مضبوط
اکشرپٹیل نے اب تک 234 میچ کھیلے ہیں اوران میں 2545 رن بنانے کے علاوہ 200 وکٹ بھی حاصل کئے ہیں۔ وہیں رویندرجڈیجہ بھی ہندوستان کے سب سے کامیاب آل راؤنڈروں میں سے ایک ہیں اورانہوں نے 310 میچ کھیلتے ہوئے 3382 رن بنائے ہیں۔ اس کے علاوہ رویندرجڈیجہ نے 216 وکٹ بھی حاصل کئے ہیں۔ حالانکہ اب ان دونوں کھلاڑیوں کے درمیان ٹی-20 ورلڈ کپ میں کھیلنے سے متعلق مقابلہ آرائی کی صورتحال ہے۔
موجودہ فارم کو دیکھتے ہوئے اکشرپٹیل رویندر جڈیجہ پربھاری پڑسکتے ہیں، لیکن یہ سب کچھ آئی پی ایل کے بعد طے ہوگا۔ اگرآئی پی ایل میں بھی اکشرپٹیل کی کارکردگی رویندرجڈیجہ سے بہتررہتی ہے توپھروہ سلیکٹروں کوانہیں موقع ضروردینا ہوگا۔ ونڈے ورلڈ کپ کے لئے بھی اکشرپٹیل کا دعویٰ بے حد مضبوط تھا، لیکن وہ زخمی ہونے کی وجہ سے ٹیم کا حصہ نہیں بن پائے۔
بھارت ایکسپریس۔
