اسرائیلی وزیر اعظم بنجامن نیتن یاہو اور وزیر اعظم نریندر مودی۔ (فائل فوٹو)
فلسطین سے جاری جنگ کے درمیان اسرائیل کے وزیراعظم بنجامن نیتن یاہو نے ہندوستان کے وزیراعظم نریندرمودی سے فون پربات کی ہے۔ وزیراعظم مودی نے ٹوئٹ کرکے اس کی جانکاری دی ہے اوربتایا کہ نیتن یاہونے موجودہ حالات کی جانکاری دی ہے۔ وزیراعظم مودی کا کہنا ہے کہ ہندوستان دہشت گردی کی ہرشکل کی مذمت کرتا ہے۔ ہندوستان اس وقت اسرائیل کے ساتھ مضبوطی سے کھڑا ہے۔
وزیراعظم نریندر مودی نے پوسٹ کیا، “میں وزیراعظم نیتن یاہو کا شکریہ ادا کرتا ہوں، ان کے فون کال اور چل رہی صورتحال پراپڈیٹ فراہم کرنے کے لئے۔ ہندوستان کے لوگ اس مشکل گھڑی میں اسرائیل کے ساتھ مضبوطی سے کھڑے ہیں۔ ہندوستان دہشت گردی کے سبھی فارمیٹ اوراس طرح کے تاثرات کا سختی اور واضح الفاظ میں مذمت کرتے ہیں۔”
I thank Prime Minister @netanyahu for his phone call and providing an update on the ongoing situation. People of India stand firmly with Israel in this difficult hour. India strongly and unequivocally condemns terrorism in all its forms and manifestations.
— Narendra Modi (@narendramodi) October 10, 2023
وزیراعظم مودی نے بتایا تھا دہشت گردانہ حملہ
وزیراعظم مودی نے فلسطینی تنظیم حماس کے ذریعہ ہفتہ کے روز (7 اکتوبر) کو اسرائیل پر کئے گئے راکٹ حملے کو پہلے بھی دہشت گردانہ حملہ قراردیا تھا۔ انہوں نے ایکس پرہفتہ کے روزلکھا تھا، .”اسرائیل میں ہوئے دہشت گردانہ حملے کی خبر سے حیران ہوں۔ ہماری ہمدردیاں مہلوکین کے اہل خانہ کے ساتھ ہیں۔”
بھارت ایکسپریس۔
