Malegaon Blast Case 2008: مالیگاؤں بم دھماکہ معاملے کی ملزمہ پرگیہ ٹھاکر کی این آئی اے کورٹ میں حاضری، کانگریس پرلگایا یہ بڑا الزام

Malegaon Blast Case 2008: سال 2008 کے مالیگاؤں دھماکہ معاملے میں ملزمہ اور بی جے پی کی رکن پارلیمنٹ پرگیہ سنگھ ٹھاکر نے پیر (25 ستمبر) کو ممبئی واقع این آئی اے کورٹ میں پیش ہوئیں۔ انہوں نے اس دوران کانگریس پر تنقید کرتے ہوئے کہا کہ ان کی وجہ سے ہی میری صحت خراب ہوئی۔

بی جے پی لیڈرپرگیہ سنگھ ٹھاکرنے کہا، ”کانگریس کی اذیت جو بھی ہوئی وہ تو یقینی ہے۔ میں پہلے صحتمند تھی، لیکن پولیس کی حراست میں آئی تو میری پریشانی بڑھتی گئی… میں جیل گئی توصحتیاب تھی، لیکن آنے پربستر پرنکلی، کینسر ہوا، ریڑھ کی پریشانی اورنیوروکی پریشانی ہوئی۔ اس کی وجہ کانگریس کی حکومت اوراے ٹی ایس ہے۔ ”

پرگیہ ٹھاکرنے کیا کہا؟

پرگیہ سنگھ ٹھاکرنے کہا کہ عدالت کے سامنے پیر کے روز سبھی کو موجود ہونا تھا۔ ہم تین دنوں کا سفر کرنے ممبئی پہنچے، لیکن میری صحت ایسی نہیں ہے کہ میں اتنی لمبا سفرکرکے عدالت پہنچ سکوں۔ جج نے جب کہا کہ ہرروز کورٹ میں موجود رہنا ہوگا تو میں نے عدالت سے درخواست کرتے ہوئے کہا کہ کانگریس کی طرف سے ہراساں کئے جانے کی وجہ سے میری صحت بگڑگئی ہے، اس لئے ہمیں کچھ راحت دی جائے۔ عدالت نے اسے قبول کرلیا۔

Malegaon 2008 blasts case | Special NIA court today adjourned the hearing in the case till 3rd October. CrPC 313 statements of accused could not be recorded as accused number 10 Dayanand Pandey@Sudhakar Dhar Dwivedi @ Shankaracharya we not present today. Court has issued a…

— ANI (@ANI) September 25, 2023

بی جے پی رکن پارلیمنٹ پرگیہ سنگھ ٹھاکرنے مزید کہا کہ مجھے لگتا ہے کہ عدالت نے اپنا عمل مکمل کرلیا ہے۔ اس پرمیں زیادہ کچھ نہیں کہوں گی، لیکن ہراساں کرکے ایک نقلی کیس بنایا گیا ہے۔ میرا کیس کلین ہے۔ یہ خدا بھی جانتے ہیں۔ عدالت میں کون آتا ہے کون نہیں، اس پرمیں کچھ نہیں کہہ سکتی، لیکن میں ہمیشہ پہنچتی ہوں۔ اپنے سبھی فرائض کی ادائیگی کرتی ہوں۔ پرگیہ سنگھ ٹھاکرنے کہا کہ میں 2024 میں عوام کے درمیان کیسے جاؤں گی (بے قصوریا بری ہوکر) یہ ٹھاکرجی طے کریں گے۔

یہ بھی پڑھیں:  Supreme Court on Muzaffarnagar Child Slapping Case: مذہب کے نام پر بچے کے ساتھ ایسا ہونا غلط، مظفر نگر معاملے پر سپریم کورٹ نے یوپی حکومت سے مانگا جواب

کیا ہے مالیگاؤں دھماکہ معاملہ؟

مہاراشٹر کے مالیگاؤں میں 29 ستمبر 2008 کو بم دھماکہ ہوا تھا۔ ان دھماکوں میں 6 افراد کی موت ہوئی تھی۔ جبکہ 100 سے زیادہ لوگ زخمی ہوئے تھے۔ اس معاملے میں سادھوی پرگیہ سنگھ ٹھاکراور لیفٹیننٹ کرنل پرساد پروہت سمیت کل 7 ملزم بنائے گئے ہیں۔ فی الحال سبھی ملزم ضمانت پر ہیں۔ اس معاملے میں ملزم نمبر-1 پرگیہ سنگھ ٹھاکرہیں۔ پرگیہ سنگھ ٹھاکرابھی بھوپال کی رکن پارلیمنٹ ہیں۔

بھارت ایکسپریس۔