پاکستان میں ہوئے خودکش حملے میں فوج کے 12 جوان سمیت کم ازکم 15 افراد کی موت ہوگئی۔ پاکستان آرمی کی طرف سے جمعہ کے روزیہ بیان جاری کیا گیا ہے۔ یہ حملہ خیبرپختونخوا صوبہ میں ایک سرکشا چوکی (حفاظتی اسٹیشن) پرہوا ہے۔ پاکستانی فوج کی میڈیا ونگ نے کہا، ’’خیبرپختونخوا میں ہوئے اس خودکش حملے میں 15 افراد کی جان گئی ہے، جس میں 12 فوج کے جوان، دوپولیس اہلکاراورمحکمہ جنگلات کا ایک سابق سرکاری افسرشامل ہے۔
خودکش حملے کو کیسے دیا گیا انجام؟
فوج کے مطابق، ٹینک ضلع میں ہوئے اس حملے میں سیکورٹی اہلکاروں نے 12 دہشت گردوں کومارگرایا۔ بیان میں کہا گیا کہ حملہ آوروں نے گاڑی کو سیکورٹی گھیرا کی دیوارسے ٹکرا دیا۔ اس دھماکے سے چیک پوسٹ کو شدید نقصان پہنچا ہے۔ کسی بھی گروپ نے فوری اس حملے کی ذمہ داری نہیں لی، لیکن اس علاقے میں اسلامی مشتبہ تنظیم تحریک طالبان پاکستان (ٹی ٹی پی) گروپ کا کافی دبدبہ رہتا ہے۔
پاکستان نے پہلے خیبرپختونخوا اور جنوبی سرحدی اضلاع صوبہ بلوچستان میں بڑھتے ہوئے حملوں کے لئے افغانستان سے پھیل رہی بغاوت کو ذمہ داری ٹھہرایا تھا۔ وہیں، طالبان حکومت اس میں افغانستان کے ملوث ہونے سے انکار کرتی ہے۔
پاکستان-افغانستان سرحد پرکشیدگی
اس کشیدگی کے درمیان پاکستان نے افغانستان کی سرحد میں گھس کرہوائی حملے کئے ہیں۔ پاکستان کا دعویٰ ہے کہ اس نے افغانستان کی سرزمین پرموجود دہشت گردوں کے ٹھکانوں کو نشانہ بنایا ہے۔ وہیں، دوسری طرف، طالبان انتظامیہ اوراقوام متحدہ کا کہنا ہے کہ جون کے مہینے میں ہوئے ان پاکستانی ایئراسٹرائیک میں درجنوں بے قصورعام شہریوں کی جان چلی گئی ہے۔ ان حملوں اورالزام تراشیوں اورجوابی الزام تراشیوں کے د رمیان دونوں ممالک کے رشتوں میں مزید تلخی آگئی ہے، جس سے سرحد پرصورتحال مسلسل کشیدہ بنی ہوئی ہے۔
دہشت گردی کے خاتمہ کے لئے آپریشن جاری
آئی ایس پی آرکے مطابق شدید دباؤکا شکارحملہ آوروں نے بارود سے بھری گاڑی چیک پوسٹ کی بیرونی دیوارسے ٹکرائی۔ دھماکے کے باعث چیک پوسٹ کے بنیادی ڈھانچے کوشدید نقصان پہنچا اوروطن کے 15 بہادرسپوت شہید ہوگئے۔ پاک فوج کے شعبہ تعلقات عامہ کے مطابق، ہلاک ہونے والوں میں 12 فوجی جوان، 2 پولیس اہلکاراورمحکمہ جنگلات کا ایک سرکاری اہلکارشامل ہے۔ آئی ایس پی آرکا کہنا ہے کہ علاقے میں مزید کسی بھی دہشت گرد کی موجودگی کے خاتمے کیلئے کلیئرنس آپریشن جاری ہے۔ عزمِ استحکام کے تحت دہشت گردی کے خلاف بھرپورکارروائیاں بلا تعطل جاری رہیں گی۔ پاک فوج کے شعبہ تعلقات عامہ کا کہنا ہے کہ بیرونی سرپرستی میں ہونے والی دہشت گردی کا مکمل خاتمہ یقینی بنایا جائے گا، ہمارے جوانوں کی عظیم قربانیاں وطن کے دفاع اورقومی سلامتی کے تحفظ کے عزم کو مزید مضبوط کرتی ہیں۔
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
