غزہ امن سربراہی اجلاس آج مصر میں منعقد ہوگا، جس میں ڈونالڈ ٹرمپ بھی شامل ہوں گے۔
ایک اعلیٰ اسرائیلی عہدے دار کا کہنا ہے کہ اسرائیل اورحماس ایک یا دو ہفتوں کے اندر غزہ میں جنگ بندی اور یرغمالیوں کی رہائی پر مبنی معاہدے تک پہنچ سکتے ہیں، تاہم ان کے مطابق یہ توقع نہیں کہ ایسا معاہدہ صرف ایک دن میں طے پا جائے گا۔ یہ بات وزیرِ اعظم بنیامین نیتن یاہو کے دورہ واشنگٹن کے دوران کہی گئی۔ عہدے دار نے آج جمعرات کے روزبتایا کہ اگردونوں فریق 60 دن کی جنگ بندی کے مجوزہ منصوبے پرمتفق ہوگئے تواسرائیل اس دوران ایک مستقل جنگ بندی کی تجویزپیش کرے گا، جس کی شرط یہ ہو گی کہ حماس اپنے ہتھیار ڈال دے۔ تاہم اگرحماس نے اس سے انکارکیا تو”اسرائیل اپنی فوجی کارروائیاں جاری رکھے گا”۔ مذکورہ عہدے دار نے اپنا نام ظاہر نہ کرنے کی درخواست کی۔
جنگ بندی کے حوالے سے خفیہ ملاقات کی تصدیق
دوسری جانب، امریکی صدرڈونلڈ ٹرمپ نے بھی اپنی تازہ ترین گفتگومیں ایک بارپھراس بات کا اعادہ کیا کہ غزہ میں معاہدے کا موقع موجود ہے۔ یا تواسی ہفتے یا اگلے ہفتے کے دوران۔ صدرڈونالڈ ٹرمپ نے ان خبروں پر بھی تبصرہ کیا جن میں کہا گیا تھا کہ امریکی، اسرائیلی اور قطری حکام کے درمیان غزہ میں جنگ بندی کے حوالے سے ایک خفیہ ملاقات ہوئی ہے۔ ان کا کہنا تھا کہ اصل اہمیت معاہدے کے حصول کی ہے، اور وہ معاہدہ قریب ہے۔ اسی تناظرمیں اسرائیلی وزیر اعظم بنجامن نیتن یاہو نے”فوکس نیوز” کو دیئے گئے انٹرویومیں کہا کہ جنگ بندی کے معاہدے کے امکانات روشن ہیں اوراب یہ معاہدہ قریب ترہوچکا ہے۔ انھوں نے وضاحت کی کہ یہ مجوزہ معاہدہ دو ماہ کے لیے ہو گا۔ اسی انٹرویو میں انھوں نے الزام لگایا کہ حماس ہی غزہ کے عوام کو بھوکا مارنے کی ذمے دار ہے، اور اسرائیل جو کچھ کر رہا ہے وہ اپنے دفاع کے تحت ہے۔
جنگ بندی کے لئے مذاکرات جاری ہونے کا دعویٰ
اس سے قبل بدھ کے روز نیتن یاہو نے کہا تھا کہ انھوں نے صدرڈونالڈ ٹرمپ کے ساتھ ہونے والی ملاقات میں یرغمالیوں کی رہائی کے لیے کی جانے والی کوششوں پر بات کی، جبکہ اسرائیل اس وقت بھی غزہ پربم باری جاری رکھے ہوئے ہے، باوجود اس کے کہ جنگ بندی کے لیے مذاکرات جاری ہیں۔ یہ نیتن یاہوکا صدرڈونالڈ ٹرمپ کے دوسری باراقتدارسنبھالنے (20 جنوری) کے بعد امریکہ کا تیسرا دورہ ہے۔ انھوں نے صحافیوں کو بتایا کہ انھیں نہیں لگتا کہ اسرائیلی کارروائی ختم ہو چکی ہے، تاہم مذاکرات کار سنجیدگی سے جنگ بندی کے حصول کے لیے کام کررہے ہیں۔
ڈونالڈ ٹرمپ اور نیتن یاہو کے درمیان ہوئی ملاقات
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
